भाव-गीत - II "नेऊ नको माधवा, अक्रुरा नेऊ नको माधवा" II

[Atul Kaviraje]

मित्र/मैत्रिणींनो,

     कंसाच्या दरबारात श्री कृष्णाला नेण्यासाठी जेव्हा कंसाचा सेवक अक्रूर गोकुळी येतो, तेव्हा त्याची विनवणी करताना, कृष्ण -माता यशोदा त्याची अशी ही आळवणी करीत आहे. हे भाव-गीत सुप्रसिद्ध गायिका सुमन कल्याणपूर यांनी गायिलेले आहे. या गीताचे बोल आहेत - II "नेऊ नको माधवा, अक्रुरा नेऊ नको माधवा" II

                                                     
                                 भाव-गीत
          II "नेऊ नको माधवा, अक्रुरा नेऊ नको माधवा" II
        ----------------------------------------------


नेऊ नको माधवा, अक्रुरा नेऊ नको माधवा
क्रुर अक्रुरा नको नेऊस आनंदाचा ठेवा।।

खेळगडी तो गोपाळांचा
गिरीधर तो भक्तजनांचा
तारी गोकुळ कान्हा आमचा
सर्व सुखाचा अमोल ठेवा।।

कुंजवनी रे रास रंगली
तालावरती टिपरी घुमली
धुंद रात्र रे स्वप्नी उरली
ऐकू दे मज मंजुळ पावा।।

नकोस नेऊ बाल मुकुंद
वेडी होइल गौळण राधा
तुला विनविती नंद यशोदा
नेऊ नको माधवा।।


           ===================
              । गीतकार :     योगेश्वर अभ्यंकर।
              ।  स्वर  :        सुमन कल्याणपूर।
              । संगीतकार :    दशरथ पुजारी। 
              I गीत प्रकार :   भावगीत  I
          ====================


-----संकलन
-----श्री अतुल एस परब(अतुल कवीराजे)
-----दिनांक-01.08.2021-रविवार.