श्री गणेश गीत-रचना - "ओंकार स्वरूपा सद्गुरू समर्था"

[Atul Kaviraje]

                               II  श्री गणेशाय नमः II
                              ----------------------


मित्र/मैत्रिणींनो,

     आज मंगळवार, श्री गणेशाचा वार. आज मी तुम्हाला मंत्र-भजन ( गीत ) ऐकवीत आहे. ही रचना संत एकनाथांची असून याला स्वर दिलाय श्री सुरेश वाडकर यांनी.  या गीताचे बोल आहेत - "ओंकार स्वरूपा सद्गुरू समर्था"


                              श्री गणेश गीत-रचना
                       "ओंकार स्वरूपा सद्गुरू समर्था"
                      -------------------------------


ओंकार स्वरूपा सद्गुरू समर्था
अनाथांच्या नाथा, तुज नमो
तुज नमो, तुज नमो, तुज नमो  I

नमो मायबापा, गुरुकृपाघना
तोडी  या बंधना मायामोहा
मोहोजाळ माझे कोण नीरशील
तुजविण दयाळा सद्गुरूराया I

सद्गुरूराया  माझा आनंदसागर
त्रैलोक्या आधार गुरुराव
गुरुराव स्वामी असे स्वयंप्रकाश
ज्या पुढे उदास चंद्र रवी
रवी, शशी, अग्नी, नेणती ज्या  रुपा
स्वप्रकाशरूपा नेणे वेद I

एका जनार्दनीं, गुरुपरब्रह्म
तयाचे पै नाम सदा मुखी
तुज नमो, तुज नमो,तुज नमो I

ओंकार स्वरूपा सद्गुरू समर्था
अनाथांच्या नाथा, तुज नमो
तुज नमो, तुज नमो, तुज नमो  I


          ===============
              रचनाकार :  संत एकनाथ
              गायक :      सुरेश वाडकर
              संगीतकार :  श्रीधर फडके
         ================


             (साभार आणि सौजन्य-गीतमंजुषा .कॉम)
           --------------------------------------


-----संकलन
-----श्री अतुल एस परब(अतुल कवीराजे)
-----दिनांक-03.08.2021-मंगळवार.