भक्ती-गीत - "अनंता अंत नको पाहू"

[Atul Kaviraje]

मित्र/मैत्रिणींनो,

     आज बुधवार, आज मी तुम्हाला एक वेगळे भक्ती गीत ऐकवीत आहे. या गीताचे गीतकार श्री अण्णा जोशी असून या  गाण्याला आवाज दिला आहे श्रीमती माणिक वर्मा यांनी. हा राग प्रकार कलावती या प्रकारात  मोडतो. या भक्ती गीताचे बोल आहेत - "अनंता अंत नको पाहू" 


                                भक्ती-गीत
                          "अनंता अंत नको पाहू"
                         ----------------------


आलासी तू ऐकुनी धावा, काय तुला देऊ ?
अनंता, अंत नको पाहू.

अतिथी अचानक आश्रमी आले, ज्या समयी नच काही उरले,
तशात म्हणती भूक लागली, कशी मी समजावू ?

दही, दूध, लोणी मागू नको रे, रिते घडे तुज दिसतील सारे,
धुतल्या थाळीवरी पान ते नकोस तू  ठेवू.

कसे मागसी इतुके देवा ? मजसी गमे ना कुठला कावा,
योगेश्वर तू अंतर्ज्ञानी,थोरवी किती गाऊ.

अनंता, अंत नको पाहू,
अनंता, अंत नको पाहू.

           ================
               गीत    :     अण्णा जोशी
               संगीत :      नीळकंठ अभ्यंकर
               स्वर  :       माणिक वर्मा
               राग प्रकार : कलावती
               गीत प्रकार : भक्तीगीत
          =================


               (साभार आणि सौजन्य-आठवणीतली गाणी)
               ------------------------------------


-----संकलन
-----श्री अतुल एस परब(अतुल कवीराजे)
-----दिनांक-04.08.2021-बुधवार.