दिशा-बंधन -चारोळ्या - " दिक-बंधन " - (भाग-१)

[Atul Kaviraje]

                    दिशा-बंधन-चारोळ्या
                 " दिक-बंधन "-(भाग-१)
                -----------------------

1)   काळाकभिन्न  जलद  अवतरला  अंबरी
      वर्षल्या  भूवरी  सरींवर  सरी
      नाही  भान , नाही  "दिशांचे  बंधन",
      झाकोळून  क्षितिजास  बरसे  घनघोर .

2)   "बंधन"  नाहीच  उरले  आता
      मुक्त  मला  दाही  "दिशा"
      अवखळ  पवनासवे  फिरता  पहाता,
      हरवले  अस्तित्त्व  स्वतःस  शोधिता .

3)   पारतंत्र्याची  झुगारून  जड  बेडी
      महासंग्रामात  निडर  मारून  उडी
      "दिशा"  स्वातंत्र्याच्या  मुक्त  मला,
      गुलामगिरीच्या  "बंधनाचा"  शेवट झाला .

4)   तुझे  "बंधन"  मला  अडकवतंय
      "दिशाहीन"  होत  मला  हरवतंय
      कसा  प्रेमाचा  पाश  तुझा,
      मन  माझे  मलाच  विचारतंय .

5)   "दिशाना"  नूरलय  कुठलेच  "बंधन"
      मुक्त  कवेत  घेतलंय  गगनासही
      अनंताचा  वेध  घेत  पुढती,
      कक्षा  विस्तारित  विसावल्या  अंतरीक्षीही .


-----श्री अतुल एस परब(अतुल कवीराजे)
-----दिनांक-09.08.2021-सोमवार.