खुशखुशीत हसऱ्या चारोळ्या-"ताठ मानेने ऑफिसमध्ये जा, हजेरी यंत्राला चेहरा दाखवा "

[Atul Kaviraje]

             विषय: ऑफिसमध्ये FACE READING MUSTER
                             "चेहरे वाचे हजेरी-यंत्र"
                           खुशखुशीत हसऱ्या चारोळ्या
         "ताठ  मानेने ऑफिसमध्ये जा, हजेरी यंत्राला चेहरा दाखवा "
                                    (भाग-१)
        -------------------------------------------------------
                                                 

(१)
आता नोकरीवरही जोखीम पत्करावी लागतेय
संरक्षणाचे उपाय आलेत सतराशे-साठ
पूर्वी सही करून हजेरी लावायचो नोकरीस,
आता तोंड दाखवावे लागते सर्वांस,नाही पाठ.

(२)
"FACE READING MUSTER" आल्यापासून हजेरीचे
चेहरे ओळखता येऊ लागले आहेत
पूर्वी कोण हजर, कोण गैरहजर राहायचे,
आता तोंडातोंडी पुरावे सापडत चाललेत.

(३)
काल  "ATTENDANCE CARD",आज सही
उद्या  "THUMB IMPRESSION" ,परवा "FACE READER"
अजून काय ओळख दाखवायची राहिलीय ?
पण माणूस तोच आहे, किंचितही बदललेला नाहीय !

(४)
शेजारच्या रोहिणी-काकू नट्टा-पट्टा  होत्या करीत
पावडर-लाली अन लिपस्टिक होत्या त्या लावीत
विचारल्यावर लाजून मुरका मारीत कश्या म्हणतात,
"FACE READING" - वाले मला आज पाहायला येतात.

(५)
ते दिवस गेले, आता दुसऱ्यांनी सह्या करायचे
अन त्याबदल्यात  पार्टी देऊन, चक्क सिनेमे पाहायचे
आता गुपचूप यावे लागतेय, तोंड दाखवावे लागतंय,
ते फुकट दिवस आठवून मन कसं उदास हळहळतंय.



-----श्री.अतुल एस.परब(अतुल कवीराजे)
-----दिनांक-10.08.2021-मंगळवार.