II श्री विष्णू भगवान नमः II - भक्ती-गीत - "अभंग माझा एकतारीवर"

[Atul Kaviraje]

                               II श्री विष्णू भगवान नमः II
                              -------------------------


मित्र/मैत्रिणींनो,

     आज बुधवार, आज श्री विष्णू भगवानाचे एक भक्ती गीत ऐकुया. हे भक्ती गीत श्री भालचंद्र खेडेकर यांनी रचले असून या गीताच्या गायिका आहेत श्रीमती माणिक वर्मा आणि या गीताचे बोल आहेत - "अभंग माझा एकतारीवर"


                              भक्ती-गीत
                       "अभंग माझा एकतारीवर"
                     -------------------------


अभंग माझा एकतारीवर, गाई रुपडे तुझेच सुंदर


तुझी पाऊले सान  गोजिरी, कुमकुम रंगांकित झालेली,
उघड्या अंगा उटी केशरी, श्रीपाद लांछन तव वक्षावर.

वैजयंतीची काळी माळा, तुला शोभते रे गोपाळा,
स्वैर  बांधीसी  कटीला  शेला, हास्य सदाचे तुझ्या मुखावर.

शंख-चक्र अन गदा घेऊनी, सदा उभा तू भक्त रक्षणी,
पद्मविभूषण कमल हुंगूनी, कमलफुलाहून अससी कोमल.


           ===================
                 गीत :        भालचंद्र  खेडेकर
                 संगीत  :     दशरथ  पुजारी
                 स्वर  :       माणिक  वर्मा
                 गीतप्रकार  : भक्तीगीत
          ====================

           (साभार आणि सौजन्य-संदर्भ-आठवणीतली -गाणी .कॉम)
         ----------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-11.08.2021-बुधवार.