II श्री गुरु देव दत्त II - " दिगंबरा दिगंबरा, श्रीपाद वल्लभ दिगंबरा "

[Atul Kaviraje]

                           II श्री गुरु देव दत्त II
                          --------------------

मित्र/मैत्रिणींनो,

     आज गुरुवार. श्री दत्त गुरूंचा वार.  आज ऐकुया, दत्त गुरूंचे एक भक्ती गीत. या गीताचे कवी सुधांशु असून याला स्वर दिला आहे श्री आर एन पराडकर यांनी. या भक्ती गीताचे बोल आहेत- " दिगंबरा दिगंबरा, श्रीपाद वल्लभ दिगंबरा "

             
                             श्री दत्त भक्ती गीत
                 " दिगंबरा दिगंबरा, श्रीपाद वल्लभ दिगंबरा "
                ---------------------------------------
                     
दिगंबरा ,दिगंबरा,
श्रीपाद वल्लभ दिगंबरा.
 
दत्तगुरूंचे नाम स्मरा हो,
दत्तगुरूंचे भजन करा.

हे नामामृत भवभयहारक 
अघसंहारक त्रिभुवनतारक
आत्मसुखाचा मोक्ष लुटाया,
अमोल ठेवा हाती धरा.

दत्तचरण माहेर सुखाचे
दत्तभजन भोजन मोक्षाचे
कवच लाभता दत्तकृपेचे,
कळिकाळाचे भय न जरा.

हा उत्पत्ती-स्थिती लयकर्ता
योगज्ञान-उद्गाता त्राता
दत्तचरित मधू गाता गाता,
भवसागर हा पार करा.


             ===================
                  गीत :        कवी सुधांशु
                  संगीत :      आर अन पराडकर
                  स्वर :        आर अन पराडकर
                  गीत प्रकार : भक्तीगीत
             ===================

            (साभार आणि सौजन्य-संदर्भ-आठवणीतली -गाणी .कॉम)
          -----------------------------------------------------


-----संकलन
-----श्री.अतुल एस.परब(अतुल कवीराजे)
-----12.08.2021-गुरुवार.