नागपंचमी कविता - " सण नागपंचमीचा "

[Atul Kaviraje]

                     II नागपंचमीच्या  हार्दिक  शुभेच्छा II
                    ----------------------------------


मित्र/मैत्रिणींनो,

     आज नाग-पंचमीचा सण. श्रावण महिन्यात येणार हा पहिलाच सण. म्हणूनच हा विशेष आहे. आपणा सर्वांस नाग-पंचमीच्या अनेक शुभेच्छा. ऐकुया तर, नाग-पंचमीची खास कविता. कवितेचे शीर्षक आहे- "सण नागपंचमीचा"


                             नागपंचमी कविता
                           " सण नागपंचमीचा "
                              कविता क्रमांक-२
                          --------------------


श्रावण मासात
नागपंचमीचा आला सण
अधिरले  मन,
माहेरासाठी-----

सण नागपंचमीचा
सया निघाल्या वारुळाला
पूजाया  नागोबाला,
मनोभावे-----

पंचमी नागाची
दूध, लाह्या, कानोटे
नैवेद्य भेटे,
नागोबास-----

जागोजागी बांधले
झाडाला उंच झोपाळे
घेती हिंदोळे,
नागपंचमीला-----

नागपंचमीच्या सणा 
चला बनूया सर्पमित्र
काढूया चित्र,
नागाचे-----

दिसती आसपास
छोट्या,मोठ्या कैक
जाती अनेक,
सर्पाच्या-----

असा नाग
करी नाश उंदराचा
मित्र शेतकऱ्यांचा,   
खास-----


              (साभार आणि सौजन्य-संदर्भ-स्टोरीमिरर.कॉम)
            -------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-13.08.2021-शुक्रवार.