लावणी-रचना- "अवतीभवती डोंगर झाडी"

[Atul Kaviraje]

 मित्र/मैत्रिणींनो,

     "लावणी" या विषया-अंतर्गत एक लावणी - रचना मी प्रस्तुत करीत आहे. " थापाड्या " या चित्रपटातील आशा भोसले यांनी गायलेली ही लावणी आहे, व आजही ती वारंवार ऐकली जाते . लावणीचे बोल आहेत-  "अवतीभवती डोंगर झाडी"   


                               लावणी-रचना
                                 क्रमांक-3
                         "अवतीभवती डोंगर झाडी"
                      ---------------------------


अवतीभवती डोंगर झाडी, मधी माझी ग सासुरवाडी,
दोन मजली रंगीत माडी, दारी बांधली बैलांची जोडी.

दोन डोंगरामधली वाट, वर चढाया अवघड घाट
घोडं घेऊन मुराळी आला, मी निघाले नांदायाला,
नवी कोरी नेसून साडी.

घोडं चालतंय दिडकी चाल, झोकं घेतंय कानात डुल
माझ्या गळ्यात वजरटिका ग, नाकी नथिनं धरलाय ठेका,
घातली हौसेनं सोन्याची बुगडी.

सख्या संगती एकांतात, प्रीत फुलंल अंधारात
हुईल काळजात गोड गुदगुदली, लाल होतील गाल मखमली,
मिळंल मिठीत मधाची गोडी.


               ==================
                    गीत-       प्रभाकर नाईक
                    संगीत-     बाळ पळसुले
                    स्वर-       आशा भोसले
                    चित्रपट-    थापाड्या
                    गीत प्रकार-चित्रगीत, लावणी
          ===================


               (साभार आणि सौजन्य-संदर्भ -आठवणीतील गाणी-लावणी)
             -----------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-17.08.2021-मंगळवार.