विठ्ठल भक्ती-गीत - "अभंगाची गोडी करी"

[Atul Kaviraje]

                          II जय हरी विठ्ठल,श्री हरी विठ्ठल II
                         --------------------------------


मित्र/मैत्रिणींनो,

     आज बुधवार. आज ऐकुया एक विठ्ठलाचा अभंग, विठू-माउलीचे भक्ती गीत. हा  अभंग रचलाय  श्रीमती शांताबाई जोशी यांनी आणि याला स्वर दिला आहे श्रीमती सुमन कल्याणपूर यांनी. या अभंगाचे बोल आहेत- "अभंगाची  गोडी  करी"

   
                                  विठ्ठल भक्ती-गीत
                               "अभंगाची  गोडी  करी"
                            -------------------------


अभंगाची  गोडी  करी,  ज्यास  वेडी,
तोचि  पुण्य  जोडी , पंढरीचे.

टाळ  मृदूंगाची  वीणा,  साथ  ज्याची,
भक्ती  पाही  तोची , विठ्ठलाची.

बघा  संतमेळा,   सदा  रंगलेला,
तीरी  बैसलेला , देवापाशी..

माहेर  आपुले , मंदिर  तेथले,
संत  गुंगलेले , जनात.

गाभाऱ्यात  कोण,  उभा  विठू जाण,
चोखोबा  तिष्ठत , अंगणात.

पहा  हा  सोहळा , मोक्षाचा  उमाळा, 
पुण्य  पदराला , बांधावे  हो.


                   ===================
                       गीत :          शांताबाई  जोशी
                       संगीत :        दशरथ  पुजारी
                       स्वर :          सुमन  कल्याणपूर
                       गीत  प्रकार : विठ्ठल  भक्ती -गीत
                  ====================

             (साभार आणि सौजन्य-संदर्भ-आठवणीतली-गाणी .कॉम)
            -------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-18.08.2021-बुधवार.