II अंबाबाईचा जयजयकार II- "आदिमाया अंबाबाई , साऱ्या दुनियेची आई"

[Atul Kaviraje]

                         II अंबाबाईचा जयजयकार II
                       ----------------------------


मित्र/मैत्रिणींनो,

     आज शुक्रवार. देवीचा वार. आज ऐकुया, आदिमाया अंबाबाईचे एक भक्ती-गीत. हे गीत श्री सुधीर मोघे यांनी रचले असून याला स्वर दिला आहे श्रीमती आशा भोसले यांनी. आणि या भक्ती गीताचे बोल आहेत-"आदिमाया अंबाबाई , साऱ्या दुनियेची आई"


                           "आदिमाया अंबाबाई , साऱ्या दुनियेची आई"
                         -----------------------------------------


आदिमाया  अंबाबाई , साऱ्या  दुनियेची  आई,
तिच्या  एका  दर्शनात,  कोटी  जन्मांची  पुण्याई.

उदे ग अंबाबाई , उदे ग अंबाबाई,     
हे उदे ग अंबाबाई ,आई ,उदे ग अंबाबाई.     

साऱ्या  चराचरी  तीच,  जीवा  संजीवनी  देते
तीच  संहारप्रहरी,  दैत्य  दानव  मारितें
उग्रचण्डी  रुपाआड,   झरा  वात्सल्याचा गाई,
आदिमाया  अंबाबाई , साऱ्या  दुनियेची आई.

क्षेत्र  नामवंत  एक,  त्याचे  नाव  कोल्हापूर
अगणित  खांबावरी,  उभे  राहिले  मंदिर
नाना  देव  ते  भोवती , देवी  मधोमध  राही,
आदिमाया  अंबाबाई , साऱ्या  दुनियेची  आई.

तुळजापुरीची  भवानी, जणू  मूळ  आदिशक्ती
घोर  आघात  प्रहार,  तिने  पचविले  पोटी
स्वतः  तरली  भक्तांना,   स्वये  तारुनिया  नेई,
आदिमाया  अंबाबाई , साऱ्या  दुनियेची  आई.

अमरावतीची  देवता, शाश्वत,  अमर
अंबेजोगाईत  तिने,  एक  मांडीयले  घर
मुंबापुरीच्या  गर्दीला,  दान  चैतन्याचे  देई,
आदिमाया  अंबाबाई , साऱ्या  दुनियेची  आई.

कुणी  म्हणती  चंडिका , कुणी  म्हणती  भवानी
दुर्गा  दुर्घट  यमाई , अंबा  असुरमर्दिनी
किती  रूपे , किती  नावे , परी  तेज  एक  वाही,
आदिमाया  अंबाबाई , साऱ्या  दुनियेची  आई.


                  =====================
                         गीत  : सुधीर  मोघे
                         संगीत  : सुधीर  फडके
                         स्वर  : आशा  भोसले
                         चित्रपट  : थोरली  जाऊ
                         गीतप्रकार  : चित्रगीत , भक्तीगीत
                  ======================


               (साभार आणि सौजन्य-संदर्भ-आठवणीतली -गाणी .कॉम)
            ------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-20.08.2021-शुक्रवार.