II श्रावण इतर कविता II - ( क्रमांक -2 )-"निळ्या नभातुन बरसेल श्रावण"

[Atul Kaviraje]

                            II श्रावण  इतर  कविता II
                                   ( क्रमांक -2 )
                          --------------------------

मित्र/मैत्रिणींनो,

       श्रावणावर मराठीमध्ये अनेक कविता तुम्हाला मिळतील. श्रावणातील वातावरण इतकं सुंदर असतं की आपणहून कविता स्फुरतात. अशाच काही मनाला आनंद देणाऱ्या कविता खास तुमच्यासाठी.

     ऐकुया तर काही सुप्रसिद्ध कवींनी लिहिलेल्या अश्याच श्रावण कविता. हि कविता सचिन काकडे यांनी लिहिली असून, या कवितेचे बोल आहेत- "निळ्या नभातुन बरसेल श्रावण"

                                   श्रावण कविता
                           "निळ्या नभातुन बरसेल श्रावण"
                          -----------------------------


निळ्या नभातुन बरसेल श्रावण,
उन-पावसाचा खेळ करेल श्रावण.

तहानलेल्या या धरतीला,
धुंद सरींचा घोट पाजेल श्रावण.

तना-मनास चिंब भिजवेल श्रावण,
शब्दांची धुंद-तार छेडेल श्रावण.

मस्त हवेच्या मौसमाने,
या मनास मुक्तछंद लावेल श्रावण.

हर्ष-उल्हास देईल श्रावण,
फ़ुलण्याची नवी आस होईल श्रावण.

हिरव्या नवलाईच्या शालुने,
आज या धरणीस सजवेल श्रावण.

ह्रुदयातली आग विझवेल श्रावण,
प्रेमळ सरींनी भिजवेल श्रावण.

काल नयनातुन बरसणा-या,
थेंबाला आज नभातुन बरसवेल श्रावण.


                       कवी  – सचिन काकडे
                     -----------------------


             (साभार आणि सौजन्य-संदर्भ-मराठी .popxo.कॉम)
            ----------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-22.08.2021-रविवार.