II नारळी पुनवेच्या हार्दिक शुभेच्छा II - (कविता - ब)

[Atul Kaviraje]

                        II नारळी पुनवेच्या हार्दिक शुभेच्छा  II
                                      (कविता - ब)
                      ------------------------------------


मित्र/मैत्रिणींनो,

     आज श्रावणी रविवार. आजचा हा  म्हणजे  दिनांक -२२.०८.2021 चा सुमुहूर्त आपल्या मराठी माणसाचे दोन पुनीत, पावन असे सण घेऊन आलाय , ते म्हणजे, रक्षा बंधन ,आणि नारळी पौर्णिमा . मराठी कवितेच्या माझ्या सर्व कवी-बंधूस आणि कवयित्री भगिनींस रक्षा - बंधन आणि नारळी पौर्णिमेच्या  हार्दिक शुभेच्छा. आता वाचूया नारळी पौर्णिमेनिमित्त काही कविता --


                               नारळी पौर्णिमा (कविता क्रमांक-3)
                             ---------------------------------


सण नारळी पौर्णिमेचा 
उधाणलेल्या दर्याराजाला
प्रार्थना करून कार्यारंभ करण्यापुर्वी
नारळ अर्पण करण्याचा

सण हा कृतज्ञतेचा 
कोळी बांधवाच्या आनंदाचा,सौख्याचा

रंगरंगोटी करून
बोटीची पूजा करत
एकविरा आईच्या आशीर्वादाने
होडी दर्यामध्ये उतरवण्याचा 

दर्या राजा असे देव त्यांचा
रक्षण करता तो सकलांचा 

सण नारळी पौर्णिमेचा
कोळी समाजाच्या नवचैतन्याचा
सुखाचा, समृद्धीचा आणि भरभराटीचा 

परंपरागत रम्यतेचा अन्
संकटाला हद्दपार करून
नवीन आव्हाने पेलून
यश मिळेल या प्रतिक्षेचा
असे मंगल दिन हा
नारळी पौर्णिमेचा...



                              नारळी पौर्णिमा (कविता क्रमांक-4)
                             --------------------------------


नारळी पौर्णिमेच्या सणाला
बंधु सखा गं येईल
दिस उजडल्यापासून बाई मी
वाट दारात पाहिल.....!!

बंधुराया माझा येईल
डोये भरून पाहिल
माहेरची आठवण सये
काळीज भरून येईल....!!

राखी लाख मोलाची
हातावरी गं बांधीन
पाहून बंधुरायास
मनी हरखीन......!!

नको ओवाळणी काही
ये रक्षणाला धावून
भरल्या ताटाने औक्षिन
मन गायी आनंदून......!!

ठेव मायेचा ओलावा
थोडी काळजात जागा
लहान धाकटी मी परी
नको करू वयनी तू त्रागा.....!!

सण भाग्याचा मोठा
मिळो भावाला सारे सुख
हात जोडून प्रार्थना
दूर जाऊ दे सारं दुःख....!!

भाऊ माझा पाठीराखा
ठेव ध्यानात सदा
नको आंतर देवू कधी
ना ओळवतील कडा....!!


                      (साभार आणि सौजन्य-संदर्भ-स्टोरी मिरर.कॉम)     
                     ------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-22.08.2021-रविवार.