चहा हास्य-चारोळ्या - " देवांनाही दुर्लभ, अमृत-तुल्य चहा "-(भाग-२)

[Atul Kaviraje]

                           चहा हास्य-चारोळ्या
                  " देवांनाही दुर्लभ,अमृत-तुल्य चहा "
                               (भाग-२)
                ---------------------------------


६)  ढाबा मिळाला, थांबा लागला
     तेथे आवर्जून मी थांबतो
     आणि घोट-घोट घेत चहाचा,
     सुख-दुःखांच्या गप्पात रंगून जातो.

७)  दरवर्षी नित्य-नेमे पाऊस येतो
     दरवर्षी मला भिजवून टाकतो
     वाफाळत्या चहाचा घेत घोट त्याला मी विचारतो,
     "बघ माझी आठवण येतेय का ?"

८)  नवं-चैतन्य देत, तरतरी देत
     चहा मला नवी उमेद देतो
     मीच तुझा खरा सहृदय मित्र,
     कितीतरी वेळ माझ्याशी बोलत राहातो.

९)  इतका चहा प्यायलोय आजवर
     नसा-नसांत चहा माझ्या भरलाय
     रक्त चढवीत डौक्टर ओरडले,
     रक्ताशिवाय दुसरा पर्यायच नूरलाय.

१०) स्वर्गातून करीत पुष्प-वृष्टी, देव उदगारले
      तुझ्यासम धरतीवर नाही कुणी दुजा
      चहाचे प्रेम तुझे टिकावे सदैव,
      वर केला त्यांनी हस्त वरदानाचा.


-----श्री.अतुल एस.परब(अतुल कवीराजे)
-----दिनांक-25.08.2021-बुधवार.