II श्री गुरु देव दत्त II - "गेलो दत्तमय होऊनि"

[Atul Kaviraje]

                                 II श्री गुरु देव दत्त II
                                 --------------------

मित्र/मैत्रिणींनो,

     आज गुरुवार. श्री दत्त गुरूंचा वार.  आज ऐकुया, दत्त गुरूंचे एक भक्ती गीत. या गीताचे गीतकार गिरीबाल असून याला स्वर दिला आहे श्री आर एन पराडकर यांनी. या भक्ती गीताचे बोल आहेत- "गेलो  दत्तमय  होऊनि"

             
                                 श्री दत्त भक्ती गीत
                               "गेलो  दत्तमय  होऊनि"
                             -----------------------


श्रीदत्ताचे  नाव  मुखी  या  माझ्या  रात्रंदिनी, 
गेलो  दत्तमय  होऊनि I

किती  महिमा  गावा  गावा
चित्त  आळवी   एकच  नावा 
त्या  नावातील  सामर्थ्याने  गेलो  मी  मोहुनी,
गेलो  दत्तमय  होऊनि I

ब्रह्मा  विष्णू  महेश  यांचे
रूप  त्रिमूर्ती  एकच  साचे
हृदयमंदिरीं  प्रतिष्ठापना  झालेली  पाहुनी,
गेलो  दत्तमय  होऊनि I

चरण  दोन  हे  मार्ग  दाविती
सहा  करे  सामर्थ्य  अर्पिती
ईशकृपेहुन  काय  मागणे  मागावे  मागुनी, 
गेलो  दत्तमय  होऊनि I


                    ==================
                         गीत  : गिरीबाल
                         संगीत  : शांताराम   पाबळकर
                         स्वर  : आर  एन   पराडकर
                         गीत प्रकार : भक्ती  गीत
                    ==================


            (साभार आणि सौजन्य-संदर्भ-आठवणीतली -गाणी .कॉम)
           --------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-26.08.2021-गुरुवार.