II अंबिका मातेचा उदो उदो II - "अंबिका माया जगदीश्वरी"

[Atul Kaviraje]

                             II अंबिका मातेचा उदो उदो II
                           ------------------------------

मित्र/मैत्रिणींनो,

     आज शुक्रवार. देवीचा वार. आज ऐकुया, आदिमाया अंबाबाईचे एक भक्ती-गीत. हे गीत श्री ग. दि. माडगूळकर यांनी रचले असून याला स्वर दिला आहे श्रीमती सुमन कल्याणपूर यांनी. आणि या भक्ती गीताचे बोल आहेत- "अंबिका माया जगदीश्वरी"


                                 माता अंबिका भक्तीगीत
                                "अंबिका माया जगदीश्वरी"
                               ------------------------


पाहुणी आली माझ्या घरी,
अंबिका माया जगदीश्वरी.

या डोळ्यांच्या दोन रांजणी
पस्ताव्याचे भरले पाणी
त्या पाण्याने न्हाऊ घालिते,
बसवुन पाटावरी.

रक्तामधले इमान बळकट
त्याचा भाळी भरिते मळवट
भलेपणाची फुले ठेविते,
वाकुन पायावरी.

चुका-चाकवत केली भाजी
भावभक्तिची भाकर ताजी
लेक दरिद्री तुझी विनविते,
आई भोजन करी.

                    =====================
                          गीतकार : ग. दि. माडगूळकर
                          संगीतकार: वसंत पवार
                          गायिका : सुमन कल्याणपूर
                          चित्रपट : मल्हारी मार्तंड
                          गीतप्रकार : चित्रगीत,भक्तीगीत
                    =====================


               (साभार आणि सौजन्य-संदर्भ-आठवणीतली -गाणी .कॉम)
              -------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-27.08.2021-शुक्रवार.