‘कवितांचा श्रावण...श्रावणाच्या कविता’ - "धबधबा"

[Atul Kaviraje]

मित्र/मैत्रिणींनो,

     "बीट्सऑफइंडिया .कॉम/मेन/श्रावणाच्याकविता", यांच्या सौजन्याने, मी आजपासून या श्रावण महिन्यात  'कवितांचा श्रावण...श्रावणाच्या कविता' या सदरांतर्गत दररोज एक कविता आपणापुढे सादर करीत आहे.

     मित्रानो, महाराष्ट्रातील मान्यवर कवी आणि कवयित्रींच्या या श्रावणावरल्या कविता  मला तुम्हांपुढे ठेवण्यास पुष्कळ आनंद होत आहे. त्यांची प्रतिमा आणि प्रगल्भ प्रतिभा, आपणा सर्वांस त्यांच्या सुदर काव्य-पंक्तींतून, रचनेतून ,कवितांतून क्षणोक्षणी प्रत्ययास येईल. त्यांना अभिवादन करून, आणि या त्यांच्या रचनेस नमन करून मी आपणापुढे त्यांच्या कवितेचे एकोणिसावे  पुष्प सादर करीत आहे. प्रस्तुत कविता ही "समर्थ रामदास " यांची असून या श्रावण कवितेचे बोल आहेत - "धबधबा"


                               कविता पुष्प-एकोणिसावे
                                      "धबधबा"
                              -----------------------

धबधबा-----

'कवितांचा श्रावण...श्रावणाच्या कविता'मध्ये आज  समर्थ रामदास स्वामींची 'धबधबा' ही रचना.


गीरीचे मस्तकीं गंगा। तेथुनि चालिली बळें।
धबाबां लोटल्या धारा। धबाबां तोये आदळे ॥१॥

गर्जतो मेघ तो सिंधु । ध्वनिकल्लोळ उठीला I
कड्यासी आदळे धारा। वातआवर्त होतसे ॥२॥

तुशार उठती रेणु। दुसरे रज मातलें।
वातमिश्रित ते रेणु। सीतमिश्रीत धुकटे ॥३॥

दराच तुटला मोठा। झाडखंडें परोपरी।
निबीड दाटली छ्याया। त्यामध्ये वोघ वाहाती ॥४॥

गर्जती श्वापदें पक्षी ॥ नाना स्वरें भयंकरें।
गडद होतसे रात्रीं। ध्वनिकल्लोळ उठती ॥५॥

कर्दमु निवडेना तो। मनासीं सांकडें पडे।
विशाळ लोटली धारा। तीखालें रम्य विवरे ॥६॥


                         कवी - समर्थ रामदास
                       -----------------------


  (साभार आणि सौजन्य-संदर्भ -  बीट्सऑफइंडिया .कॉम/मेन/श्रावणाच्याकविता)
                         'कवितांचा श्रावण...श्रावणाच्या कविता'
--------------------------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-29.08.2021-रविवार.