II जय श्री कृष्ण II-II गोकुळाष्टमीच्या हार्दिक शुभेच्छा II- (कविता - अ)

[Atul Kaviraje]

                               II जय श्री कृष्ण II
                        II  गोकुळाष्टमीच्या हार्दिक शुभेच्छा II
                      ------------------------------------
                                  (कविता - अ)
                                 --------------

मित्र/मैत्रिणींनो,

     आज 30-ऑगस्ट,२०२१ चा पावन दिवस, म्हणजे श्री कृष्ण जन्माष्टमी (श्रीकृष्ण जयंती, कालाष्टमी, गोकुळाष्टमी) चा पवित्र दिन. मराठी कवितेच्या माझ्या सर्व कवी भावांस, आणि कवयित्री बहिणींस, या गोकुळाष्टमीच्या अनेक हार्दिक शुभेच्छा. ऐकुया काही कविता.


                                       गोकुळाष्टमी
                                    (कविता क्रमांक-१)
                                  "कुत्‍ना थमाल ले थमाल"
                                 -----------------------


कुत्‍ना थमाल ले थमाल आपुल्या गाई ।
आम्ही आपुल्या घलासि जातो भाई ॥१॥

तुम्ही थोलल्या पातलाचे लेक ।
तुम्हामधले मी गलीब आहे एक ।
मदला म्हणतां ले जाई गाई लाख ।
किती धावूं ले कातां लागला पायी ॥२॥

काली पिवली ले गाय आहे तान्हेली ।
या या गवल्याची धवली गाय पलाली ।
मदला देखुनी तो गवली हाका माली ।
काली कांबली हिलुनि घेतली थाली ॥३॥

काल बलाचि ले बलाचि खलवस केला ।
तुम्ही सल्वांनी फाल फाल घेतला ।
मी गलीब ले म्हणूनी थोलका दिला ।
तू म्हनसिल ले याला कलतीच नाही ॥४॥


                         संत नामदेव
                       -------------


                                        गोकुळाष्टमी
                                    (कविता क्रमांक-2)
                                  "श्रीकृष्ण अवतार कार्य"
                                -----------------------


जगी जेधवा धर्म ग्लानीस येतो
कृपाळू प्रभू त्या क्षणी जन्म घेतो
जगा देत संदेश जन्मास आला
नमस्कार माझा तया नंदलाला ।।१।।

क्षणी ऊन येते, क्षणी पावसाळा
अशा श्रावणी वद्य त्या अष्टमीला
जगत्चालकाचा इथे जन्म झाला
नमस्कार माझा तया नंदलाला ।।२।।

नभी मेघ, विजा भिती दावताती
तुरुंगातल्या वादळी काळ राती
खुशी देवकीला नि साऱ्या जगाला
नमस्कार माझा तया नंदलाला।।३।।

करी गोपिकांच्या सवे रास लीला
सखे सोबती गोप खेळावयाला
दही दूध लोण्यात गोपाळकाला
नमस्कार माझा तया नंदलाला ।।४।।

जरी कंस मामा तरी ठार केला
यमाच्या घरी धाडिले पूतनेला
वधीले शिशूपाल, चाणूर मल्ला
नमस्कार माझा तया नंदलाला ।।५।।

सखा पांडवांना खरा जो मिळाला
जगी सत्य तो धर्म सांभाळ केला
दिला ग्रंथ गीता जगी मानवाला
नमस्कार माझा तया नंदलाला ।।६।।

महाभारताच्या रणी भाग त्याचा
बने सारथी तो सखा अर्जुनाचा
खरी राजनीती कळाली जगाला
नमस्कार माझा तया नंदलाला ।।७।।


                      (साभार आणि सौजन्य-संदर्भ-स्टोरी मिरर.कॉम)
                    -------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-30.08.2021