II जय श्री कृष्ण II-II गोकुळाष्टमीच्या हार्दिक शुभेच्छा II-(लेख क्रमांक-5)

[Atul Kaviraje]

                            II जय श्री कृष्ण II
                  II  गोकुळाष्टमीच्या हार्दिक शुभेच्छा II
                ------------------------------------
                             (लेख क्रमांक-5)
                            ----------------

                                   
मित्र/मैत्रिणींनो,

     आज , 30-ऑगस्ट,२०२१ चा सोमवारचा पावन दिवस, म्हणजे श्री कृष्ण जन्माष्टमी (श्रीकृष्ण जयंती, कालाष्टमी, गोकुळाष्टमी) चा पवित्र दिन. मराठी कवितेच्या माझ्या सर्व कवी भावांस, आणि कवयित्री बहिणींस, या गोकुळाष्टमीच्या अनेक हार्दिक शुभेच्छा.  जाणून घेऊया भगवान कृष्णाची महती,महत्त्वपूर्ण माहिती, व इतर लेख:---


                                      गोकुळाष्टमी
                                          लेख
                                   --------------



                  महाराष्ट्रात जन्माष्टमीला केला जातो हा खास नैवेद्य:-----
                -----------------------------------------------

     जन्माष्टमीला महाराष्ट्रात विविध प्रकारची पक्वान्न आणि नैवेद्य केले जातात. या अनेक पदार्थांमध्ये दूध, दही, लोणी, यांचा वापर केला जातो. कारण भगवान कृष्णाचे बालपण गोकुळात गेले असल्यामुळे त्याला हे पदार्थ आवडतात. यासोबतच महाराष्ट्रात जन्माष्टमीला दहीपोहे,  आंबोळी आणि शेवग्याच्या पानांची भाजी हा खास पदार्थ देखील केला जातो.
या जन्माष्टमीला जर तुम्ही उपवास करणार असाल तर या रेसिपीज जरूर ट्राय करा
साबुदाणा खिचडी -यासाठी रात्रभर साबुदाणे पाण्यात भिजवून ठेवा आणि सकाळी त्यात उकडलेला बटाटा, तळलेले शेंगदाणे टाकून हिरवी मिरची  आणि जिऱ्याची फोडणी द्या. चवीनुसार त्यात मीठ आणि साखर टाका.दह्यासोबत खंमग साबुदाणी खिचडी अगदी मस्त लागते.
                                  शिंगाड्याच्या पुऱ्या :-----
                               --------------------

     जर तुम्ही दिवसभर जन्माष्टमीची उपवास करणार असाल तर काहीतरी पौष्टिक खाणं फार गरजेचं आहे. यासाठी शिंगाड्याचे पीठ आणि उकडलेला बटाटा मिक्स करून खमंग पुऱ्या तयार करा या पुऱ्या देखील दही अथवा हिरव्या मिरचीच्या चटणीसोबत छान लागतील.

                          राजगिऱ्याचे थालीपीठ:-----
                         ---------------------

     राजगिऱ्याच्या पिठात हिरवी मिरची, मीठ टाकून तुम्ही खंमग थालीपीठ करू शकता. ज्यामुळे दिवसभर तुम्हाला थकल्यासारखं वाटणार नाही.

                                  वरीचा उपमा:-----
                                --------------
   
     वरीच्या तांदळाचा भात नेहमीच केला जातो. मात्र यंदा वरीच्या तांदळाचा उपमा करा. ज्यामुळे तुम्हाला वेगळ्या चवीचं  काहीतरी खाण्याचा आनंद मिळेल

                       बटाट्याची उपवास स्पेशल भाजी:-----
                    --------------------------------
   
     उपवासासाठी बटाट्याची भाजी करणार असाल तर उकडलेल्या बटाट्याच्या तुकड्यांना फक्त जिरे आणि हिरव्या मिरचीची फोडणी द्या. राजगिऱ्याच्या पुऱ्या आणि वरीच्या भातासोबत ही भाजी अगदी मस्त लागते.

                                   बटाट्याचा किस :-----
                                 -----------------

     नेहमीची बटाट्याची भाजी खावून कंटाळा आला असेल तर सरळ बटाटा अथवा रताळ्याचा किस तयार करा. ज्यामुळे तुम्हाला वेगळी चव चाखता येईल आणि  तुमचे पोटही भरेल.

                                  शेंगदाण्याची आमटी:-----
                                --------------------

     वरीचा भात आणि राजगिऱ्याच्या पुऱ्यांचा  बेत असेल तर त्यासोबत झणझणीत शेंगदाण्याची आमटी व्हायलाच हवी.

                                 साबुदाण्याचे  वडे:-----
                                ------------------

     नेहमी  नेहमी साबुदाणा खिचडी खाऊन कंटाळा आला असेल तर यंदा साबुदाण्याच्या वड्यांचा बेत करा.

                                   पोटॅटो फ्राईज:-----
                                 ---------------

     पोटॅटो फ्राईज हा सर्वांचाच आवडता प्रकार आहे. शिवाय हे फ्राईज करायलाही अगदी सोपे असतात. उपवास करणाऱ्या लोकांसाठी तळलेल्या बटाट्याच्या कापांवर मीठ भुरभुरा आणि इतरांसाठी तिखट, चाट मसाला लावलेले फ्राईज करण्यास काहीच हरकत नाही.

                                 केळ्याचे काप:-----
                               --------------
     
     बटाटा खाण्याची इच्छा नसेल तर गरमागरम आणि कुरकुरीत केळ्याचे काप करा. ज्यामुळे तुमचा उपवासाचा मुड आणखी छान होईल.


               (साभार आणि सौजन्य-तृप्ती पराडकर)
             ------------------------------------

               (संदर्भ-मराठी .पॉप एक्स ओ.कॉम)
             ----------------------------------


-----संकलन
-----श्री.अतुल एस.परब(अतुल कवीराजे)
-----दिनांक-30.08.2021-सोमवार.