II जय श्री कृष्ण II - मीरा प्रेम याचना - "अरे मनमोहना"

[Atul Kaviraje]

                                 II जय श्री कृष्ण II
                        II गोकुळाष्टमीच्या हार्दिक शुभेच्छा II
                       ----------------------------------


मित्र/मैत्रिणींनो,

     आज 31 ऑगस्ट,२०२१ चा पावन दिवस, म्हणजे श्री कृष्ण जन्माष्टमी व गोपाळ काल्याचा पवित्र दिन. मराठी कवितेच्या माझ्या सर्व कवी भावांस, आणि कवयित्री बहिणींस, या गोकुळाष्टमीच्या अनेक हार्दिक शुभेच्छा. ऐकुया मीरेने कान्हाकडे केलेली प्रेम याचना गाण्याच्या रूपात. या गीताचे गीतकार जगदीश खेबुडकर आहेत, आणि याला स्वर दिला आहे आशा भोसले यांनी. या गाण्याचे बोल आहेत-  "अरे मनमोहना"


                                   मीरा प्रेम याचना   
                                   "अरे मनमोहना"
                                -------------------

                                           
अरे मनमोहना,
कळली देवा तुला, राधिका रे राधिका
कळली राधिका रे कळल्या गोपिका
साधी भोळी मीरा तुला कळली नाही,
तुझीमाझी प्रीत कधी जुळली नाही.

सात सुरांवर तन-मन नाचे
तालावरती मधुबन नाचे
एक अबोली होती फुलली,
तिच्याकडे नजर तुझी वळली नाही.

धुंद सुगंधी यमुना लहरी
उजळून आली गोकुळ नगरी
जीवन माझे अंधाराचे,
काळी काळी रात कधी टळली नाही.

उन्हात काया, मनात छाया
कशी समजावू वेडी माया
युग युग सरले, डोळे भरले,
आशेची कळी कधी फुलली नाही.

                     ==================
                          गीतकार : जगदीश  खेबुडकर
                          संगीतकार :  एन. दत्ता
                          स्वर : आशा  भोसले 
                     ==================

                  (साभार आणि सौजन्य-संदर्भ-टेस्टीकेन्झोनी.एमटीव्ही.इट)
                 --------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-31.08.2021-मंगळवार.