II जय श्री कृष्ण II-कान्हाच्या सावळ्या रंगात एकरूप झालेली संध्याकाळ आणि गोकुळ

[Atul Kaviraje]

                                 II जय श्री कृष्ण II
                        II गोकुळाष्टमीच्या हार्दिक शुभेच्छा II
                       ------------------------------------

मित्र/मैत्रिणींनो,

     आज 31 ऑगस्ट,२०२१ चा पावन दिवस, म्हणजे श्री कृष्ण जन्माष्टमी व गोपाळ काल्याचा पवित्र दिन. मराठी कवितेच्या माझ्या सर्व कवी भावांस, आणि कवयित्री बहिणींस, या गोकुळाष्टमीच्या अनेक हार्दिक शुभेच्छा. गोकुळ हे संध्याकाळी, सायंकाळी कसे दिसले, त्या कान्हाच्या सावळ्या रंगात सारे गोकुळ एकरूप झाले होते, अश्या आशयाचे हे एक सुंदर गीत आहे. हे गीत लिहिले आहे सुधीर मोघे यांनी, याला स्वर दिला आहे आशा भोसले यांनी. "वजीर" या चित्रपटातील हे गीत असून या गाण्याचे बोल आहेत - "सांज ये गोकुळी"


           कान्हाच्या सावळ्या रंगात एकरूप झालेली संध्याकाळ आणि गोकुळ       
                                       "सांज ये गोकुळी"                                                 
           ---------------------------------------------------------
                                     
                       
सांज ये गोकुळी, सावळी सावळी,
सावळ्याची जणू साउली.

धूळ उडवीत गाई निघाल्या
श्यामरंगात वाटा बुडाल्या
परतती त्यासवे
पाखरांचे थवे,
पैल घंटा घुमे राउळी.

पर्वतांची दिसे दूर रांग
काजळाची जणू दाट रेघ
होई डोहातले
चांदणे सावळे,
भोवती सावळ्या चाहुली.

माउली सांज अंधार पान्हा
विश्व सारे जणू होय कान्हा
मंद वार्‍यावरी
वाहते बासरी,
अमृताच्या जणू ओंजळी.

                          ================
                                स्वर :    आशा  भोसले
                                चित्रपट :वजीर
                                संगीतकार :श्रीधर  फडके
                                गीतकार :सुधीर  मोघे
                         =================

                   (साभार आणि सौजन्य-संदर्भ-मराठी-सॉंग लैरिकस.कॉम)
                 ---------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-31.08.2021-मंगळवार.