II जय श्री कृष्ण II-श्रीकृष्ण - राधा गवळण गीत - "कान्हा वाजवी बासरी "

[Atul Kaviraje]

                                II जय श्री कृष्ण II
                        II गोकुळाष्टमीच्या हार्दिक शुभेच्छा II
                       ----------------------------------


मित्र/मैत्रिणींनो,

     आज 31 ऑगस्ट,२०२१ चा पावन दिवस, म्हणजे श्री कृष्ण जन्माष्टमी व गोपाळ काल्याचा पवित्र दिन. मराठी कवितेच्या माझ्या सर्व कवी भावांस, आणि कवयित्री बहिणींस, या गोकुळाष्टमीच्या अनेक हार्दिक शुभेच्छा.  कान्हा बासरी वाजवता-वाजवता राधेसह, गोपींसह, रास क्रीडा खेळतोय, आणि त्यात भरीस भर म्हणून  त्यांची छेडही काढतोय. असे त्याचे बहू-आयामी, बहू-रंगी, बहू-ढंगी व्यक्तिमत्त्व त्याच्या या कृष्ण लीलेतून प्रकर्षाने जाणवते. ऐकुया तर असेच एक गीत, या गाण्याचे गीतकार आहेत  श्रावण बाळा, या गाण्याला स्वर दिला आहे दिलीप नायक यांनी ,आणि या गाण्याचे बोल आहेत - "कान्हा वाजवी बासरी "


                            श्रीकृष्ण - राधा गवळण गीत 
                               "कान्हा वाजवी बासरी "
                           ---------------------------

                       
यमुनेच्या तीरी, काल पहिला हरी
यमुनेच्या तीरी, काल पहिला हरी । ओ ओ ओ
कान्हा वाजवी बासरी
कान्हा वाजवी बासरी
कान्हा वाजवी बासरी ।।धृ ।।

बारा सोळा, गौळ्याच्या  नारी ।
त्या नटूनी चालल्या, मथूरा बाजरी।
त्याने  मारला  खडा, न माझा फोडला घडा ।
त्याने फोडिल्या घागरी ।।१।।ओ ओ ओ
कान्हा वाजवी बासरी
कान्हा वाजवी बासरी ।।धृ ।।

यशोदा बोले, बाळ श्रीहरी ।
छेडू नको रे, गोकूळ नगरी ।
राधिकेच्या घरी, कान्हा पलंगावरी । ओ ओ ओ
राधा झाली ग बावरी
कान्हा वाजवी बासरी।।२।।
कान्हा वाजवी बासरी
कान्हा वाजवी बासरी ।।धृ ।।

एका जनार्दनीं, गवळण राधा
ती विनवी तुजला, अरे मुकुंदा
गवळ्याची नार, करी सोळा शृंगार । ओ ओ ओ
लिन झाली चरणावरी ।
कान्हा वाजवी बासरी ।।३।।
कान्हा वाजवी बासरी
कान्हा वाजवी बासरी ।।धृ ।।

                         ==================
                               गीत :कान्हा वाजवी बांसुरी
                              अल्बम :गोकुळच्या गवळणी
                               गायक:   दिलीप नायक
                               संगीतकार :मिलिंद मोहिते
                               गीतकार :श्रावण बाळा
                         ==================


-----संकलन
-----श्री.अतुल एस.परब(अतुल कवीराजे)
-----दिनांक-31.08.2021-मंगळवार.