II भक्ती-गीत II - "शोधिसी मानवा, राऊळी मंदिरी"

[Atul Kaviraje]

                                 II भक्ती-गीत II
                                 ----------------

मित्र/मैत्रिणींनो,

     आज बुधवार. आज ऐकुया एक ईश्वर भक्ती गीत. या भक्ती गीताचे गीतकार आहेत श्रीमती वंदना विटणकर आणि  याला स्वर दिला आहे श्री  महंमद रफी  यांनी. या गीताचे  बोल आहेत- "शोधिसी मानवा, राऊळी मंदिरी"

   
                                     भक्ती-गीत
                          "शोधिसी मानवा, राऊळी मंदिरी"
                         ------------------------------

                           
शोधिसी मानवा, राऊळी मंदिरी,
नांदतो देव हा, आपुल्या अंतरी.

मेघ हे दाटती, कोठुनी अंबरी ?
सूर येती कसे, वाजते बासरी ?
रोमरोमी फुले, तीर्थ हे भूवरी,
दूर इंद्रायणी, दूर ती पंढरी.

गंध का हासतो, पाकळी सारुनी ?
वाहते निर्झरी, प्रेमसंजीवनी
भोवताली तुला, साद घाली कुणी,
खूण घे जाणुनी, रूप हे ईश्वरी.

भेटतो देव का, पूजनी अर्चनी ?
पुण्य का लाभते, दानधर्मातुनी ?
शोध रे दिव्यता, आपुल्या जीवनी,
आंधळा खेळ हा खेळशी कुठवरी ?

                   ================
                        गीतकार : वंदना विटणकर
                        संगीतकार : श्रीकांत ठाकरे
                        स्वर : महंमद रफी
                   ================


              (साभार आणि सौजन्य-सुपरहिट मराठी भक्ती गीते-भाग-1)
                                      (संदर्भ-यु ट्यूब)
            ------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-01.09.2021-बुधवार.