II श्री गुरु देव दत्त II -श्री दत्त भक्ती गीत-" जय जय दत्तराज माउली "

[Atul Kaviraje]

                                  II श्री गुरु देव दत्त II
                                 --------------------

मित्र/मैत्रिणींनो,

     आज गुरुवार. श्री दत्त गुरूंचा वार. आज ऐकुया, दत्त गुरूंचे एक भक्ती गीत. या गीताचे गीतकार कवी सुधांशु असून याला स्वर दिला आहे श्री आर एन पराडकर यांनी. या भक्ती गीताचे बोल आहेत- " जय जय दत्तराज माउली "

             
                                 श्री दत्त भक्ती गीत
                           " जय जय दत्तराज माउली "
                           -------------------------


जय जय दत्तराज माउली,
जय जय योगीराज माउली.

श्रीविधी हरिहर करुणासागर
परब्रह्म परिपूर्ण परात्पर,
महाज्ञानी अवधूत दिगंबर भक्तांची साउली.

कृष्ण भीमा चरण क्षाळीती
शीतल वायू ताप वारिती,
नारद - तुंबर गाती रमती, ऋषीमुनी गुरूपाउली. 

तिन्ही मुखावर शीतल शांती
शंख चक्र गदा पद्म शोभती,
त्रिभुवनत्राता , चिरसुखदाता, समरस हा भूतली.

                         ===============
                              गीत : कवी सुधांशु
                              संगीत: विठ्ठल शिंदे
                              स्वर: आर एन पराडकर
                              गीत प्रकार: भक्ती गीत
                         ===============

             (साभार आणि सौजन्य-संदर्भ-आठवणीतली -गाणी .कॉम)
          -----------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-02.09.2021-गुरुवार.