II श्रावण इतर कविता II- "श्रावण आला गं वनी श्रावण आला"

[Atul Kaviraje]

                           II श्रावण  इतर  कविता II
                                 ( क्रमांक -3 )
                           --------------------------

मित्र/मैत्रिणींनो,

       श्रावणावर मराठीमध्ये अनेक कविता तुम्हाला मिळतील. श्रावणातील वातावरण इतकं सुंदर असतं की आपणहून कविता स्फुरतात. अशाच काही मनाला आनंद देणाऱ्या कविता खास तुमच्यासाठी.

     ऐकुया तर काही सुप्रसिद्ध कवींनी लिहिलेल्या अश्याच श्रावण कविता. हि कविता ग. दि. माडगूळकर यांनी लिहिली असून, या कवितेचे बोल आहेत- "श्रावण आला गं वनी श्रावण आला"


                                      श्रावण कविता
                            "श्रावण आला गं वनी श्रावण आला"
                            -------------------------------


श्रावण आला गं वनी श्रावण आला
दरवळे गंध मधुर ओला
एकलीच मी उभी अंगणी,
उगीच कुणाला आणित स्मरणी.

चार दिशांनी जमल्या
तोवर गणनी घनमाला
बरसू लागल्या रिमझिम धारा,
वारा फुलवी मोर पिसारा.

हलू लागली झाडेवेली
नाच सुरू झाहला
उरात नवख्या भरे शिर्शिरी,
शिरशिर करी नृत्य शरीरी.

सूर कुठून ये मल्हाराचा
पदर कुणी धरिला
समीप कुणी आले, झुकले
कती धिटावा ओठ टेकले
मृदुंग की ती वीज वाजते,
भास तरी कसला.

आला श्रावण श्रावण,
आला श्रावण श्रावण.


                    कवी – ग. दि. माडगूळकर
                   --------------------------

            (साभार आणि सौजन्य-संदर्भ-मराठी .popxo.कॉम)
          ------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-03.09.2021-शुक्रवार.