मार्मिक चारोळ्या- "अंगावर सोन्याचे वजन वाढलंय, सोन्याने माझं वजनच वाढवलंय !"

[Atul Kaviraje]

                  विषय : सोन्याने मढलेली आजची तरुणाई
                      वास्तव मार्मिक व्यंगात्मक चारोळ्या
        "अंगावर सोन्याचे वजन वाढलंय, सोन्याने माझं वजनच वाढवलंय !"
                                  (भाग-१)
      ------------------------------------------------------------

(१)
"सुवर्णाने" लिंपित, "सुवर्ण" गाडीत, "सोनेरी"
बसलेत, "सुवर्ण"-राजकुमार अन "सुवर्णाची" परी
झळझळतेय  गाडी, लखलखतेय उन्हात,
श्रीमंतीचे प्रदर्शन चाललंय दारोदारी.

(२)
"GOLDEN" BOY व "GOLDEN" GIRL
व्यास-पिठावर CAT-WALK करीत होते
"सुवर्ण"-आभेने नेत्र  बचावासाठी प्रेक्षकांनी,
काळे GOGGLE चढविले होते.

(३)
"सुवर्ण" युगच आलंय जणू
"सुवर्णाचे" हाती धरलंय सुकाणू
दैदिप्यमान भास्करालाही तुल्यबळ असे
तळपत-झळकत होते "सुवर्ण"-तरुणी अन तरुण.

(४)
सारे शरीरचं लपलं होत
"सोन्याच्या" "दागिन्यांच्या" या भारापाठी
शरीराला जडत्त्वच आलं होत,
मोलच नव्हतं या हौसेपाठी.

(५)
"सुवर्ण"-काराना चांगले दिवस आलेत
नवं-नवीन "दागिने" घडवू लागलेत
प्रत्येक "GOLDEN" BOY व "GOLDEN" GIRL ने,
SKILLED "GOLD"SMITH नोकरीस ठेवलेत.


-----श्री.अतुल एस.परब(अतुल कवीराजे)
-----दिनांक-04.09.2021-शनिवार.