II शिक्षक दिन II-(गुरु गौरव दिन )-कविता क्रमांक-5

[Atul Kaviraje]

                                     II शिक्षक दिन II
                                    ------------------   
                                           
मित्र/मैत्रिणींनो,

     आज रविवार दिनांक-०५.०९.२०२१, आजच्या दिवसाचे महत्त्व या विषया अंतर्गत, जाणून घेऊया आजचा दिवस. मित्रानो, आज आहे राष्ट्रीय शिक्षक दिन. तर वाचूया, काही माहितीपूर्ण लेख, या दिवसाचे महत्त्व, शुभ संदेश, कविता, भाषण, निबंध आणि इतर माहिती.

                                           

                            शिक्षक दिन (गुरु गौरव दिन )
                                   कविता क्रमांक-5
                          ------------------------------


तुमच्या मुळेच मजला,
जगी जन्म हे मिळाले..
माय-बाप लेकराचे,
असती गुरूच पहिले..!!

संस्कार आई देते,
देतात बाबा धैर्य..
देतात गुरूजी ज्ञान,
मी गाजवीन शौर्य..!!

गुरुजी तुम्हीच दिला,
मज धीर उडण्याचा..
पंखातल्या बळाने,
आकाश गाठण्याचा..!!

झालो तुमच्याच  पायी,
तारा जणू नभाचा..
अंधार दूर झाला,
या भयाण वाटेचा..!!

सोडून होतो आशा,
आधार मिळण्याची..
तुम्हीच झालात  काठी,
या डुबत्या नौकेची..!!

नात्यात नाही आपल्या,
धर्म,जातीचे बंधन..
मज धन्य, धन्य वाटे,
करुनी तुम्हास वंदन..!!


                   (साभार आणि सौजन्य-खेमराज  पांढरे)

                            (संदर्भ-स्टोरी मिरर .कॉम)
                ---------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-05.09.2021-रविवार.