II पिठोरी (दर्श) अमावस्या II - कविता क्रमांक-१

[Atul Kaviraje]

                               II पिठोरी (दर्श) अमावस्या II
                                      कविता क्रमांक-१
                             -----------------------------

मित्र/मैत्रिणींनो,

     आज दिनांक-सोमवार म्हणजे, ०६.०९.२०२१, चा दिवस दोन महत्त्वाचे  विशेष असे पर्व, सण घेऊन आला आहे, ते म्हणजे, पिठोरी अमावस्या, आणि बैल पोळा. या, चला जाणून घेऊया, या दोन दिवसांचे महत्त्व, माहिती, पूजा विधी, व्रत कथा, कविता आणि बरंच काही.

                               II पिठोरी (दर्श) अमावस्या II
                                       कविता क्रमांक-१
                              ----------------------------

पिठोरी अमावस्या------

सण लग्न सोहळ्याचा
सर्जा राजाच्या लग्नाचा
श्रावण महिन्यांचा अंती
पोळा सण हा आंनदाचा.

झाली लगबग हळदीची
सर्जा बैलास लावायची
नवरदेव तयार सजून
वर्षभर मेहनत करून.
 
नविन झूल पांघरून
कंठी नवी घंटी लेवून
शिंगास पताका लावून
रंगरंगोटी फुगे बांधून.

जरी दमलाय करून
शेता मध्ये आला राबून
माझ्या बाबाच लेकरू
त्याचे लाख कोड कौतूक.

वरातीत ढोल ताशा वाजतो
नवरा खुषीत ओ डोलतो
कसा झुकून लाजतो 
गाय वासरू दिसता.

आंनद सोळहा सारा
साजरा होतो पुरा
मंगकाष्टक गाते आई
लग्नात बैलाच्या बाई.

अख्खे वर्षभर राबतो
पण आज त्याचा दिवस
त्याच्या लग्नाचा हा थाट
सण पोळ्याचा अन् आवास.

माहेरी पिठोरी अवस
येते ती आठवणी घेऊन
पाणवतात डोळे आज
आठवणी बाबाच्या येऊन.


              कवयित्री - सुरजकुमारी  गोस्वामी
             -------------------------------

                      (साभार आणि सौजन्य-संदर्भ-स्टोरी मिरर .कॉम)
                  ----------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-06.09.2021-सोमवार.