II श्रावण इतर कविता II - ( क्रमांक -4 )

[Atul Kaviraje]

                              II श्रावण  इतर  कविता II
                                    ( क्रमांक -4 )
                           --------------------------

मित्र/मैत्रिणींनो,

       श्रावणावर मराठीमध्ये अनेक कविता तुम्हाला मिळतील. श्रावणातील वातावरण इतकं सुंदर असतं की आपणहून कविता स्फुरतात. अशाच काही मनाला आनंद देणाऱ्या कविता खास तुमच्यासाठी.

     ऐकुया तर काही सुप्रसिद्ध कवींनी लिहिलेल्या अश्याच श्रावण कविता. हि कविता ग. दि. माडगूळकर यांनी लिहिली असून, या कवितेचे बोल आहेत- "फांद्यांवरी बांधिले ग मुलिंनि हिंदोले"

                                       श्रावण कविता
                            "फांद्यांवरी बांधिले ग मुलिंनि हिंदोले"
                           ---------------------------------


फांद्यांवरी बांधिले ग मुलिंनि हिंदोले,
पंचमिचा सण आला डोळे माझे ओले.

श्रावणाच्या शिरव्यांनी आनंदली धराराणी,
माझे पण प्राणनाथ घरी नाही आले.

जळ भरे पानोपानी संतोषली वनराणी,
खळाखळा वाहतात धुंद नदीनाले.

पागोळ्या गळतात बुडबुडे पळतात,
भिजलेल्या चिमणीचे पंख धन्य झाले.

आरशात माझी मला, पाहू बाई किती वेळा,
वळचणीची पाल काही भलेबुरे बोले.


                      कवी – ग. दि. माडगूळकर
                    --------------------------


            (साभार आणि सौजन्य-संदर्भ-मराठी .popxo.कॉम)
          -----------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-06.09.2021-सोमवार.