भाव-गीत - ।। अजुनि लागलेची दार ।।

[Atul Kaviraje]

मित्र/मैत्रिणींनो,

     आज  ऐकुया एक भाव-गीत. या गीताचे गीतकार आहेत श्री भा. रा. तांबे , आणि याला स्वर दिला आहे श्री गजानन  वाटवे  यांनी. या भाव-गीताचे बोल आहेत-"अजुनि लागलेची दार "

 
                                       भाव-गीत
                               ।। अजुनि लागलेची दार ।। 
                              -------------------------

                                 
अजुनि लागलेची दार , उजळेल ही प्राची,
स्वच्छ थंडगार झुळूक वाहतसे ताजी ।

जागवी जी रम्य वेळ
कमलादीक सुमन सकळ,
का न तुला जागवी परि, कमलनयन सची ?

देवी कांती गीति, प्रिती
सकल मनी उत्सुक अती ,
दारी उभ्या वाट बघती या तवागमनाची ।

अरूणराग गगनी कांती
पक्षीगणी मधुर गीति,
या ह्रदयी तशी प्रीती, पुरव हौस यांची ।

जिवीत तुजविण विफल
का मग हा विधीचा  छळ?
खचित तुझी मत्प्रीती छबी तत्व ही माझी ।

उठ रे मनोभीराम
तिष्ठतसे मी सकाम,
रुदन करी , कोट परी मूर्ती ती जिवाची ?


-------टीप- काव्य-रचना - २२.०५.१९०३-----
बंगाली कवयित्री श्रीमती तोरु दत्त यांनी आपल्या बहिणीला उद्देशून लिहिलेल्या " STILL BARRED THY DOORS ! THE FAR EAST GLOWS ", या इंग्रजी कवितेचे भाषांतर.

                     ===================     
                           । गीतकार : भा. रा. तांबे ।
                           । संगीतकार : गजानन वाटवे ।
                           I स्वर : गजानन  वाटवे  I
                           । गीतप्रकार : भावगीत ।
                     ====================

                       
                    (साभार आणि सौजन्य-संदर्भ-आठवणीतील गाणी.कॉम)
                  -------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-06.09.2021-सोमवार.