II गणपती बाप्पा मोरया II-गणपती बाप्पा गीत- " नाद निनादला रे मोरया नाद निनादला "

[Atul Kaviraje]

                                  II गणपती बाप्पा मोरया II
                                 -------------------------

मित्र/मैत्रिणींनो,

     येत्या, शुक्रवारी, म्हणजे, दिनांक-१०.०९.२०२१, गणपती बाप्पांचे आगमन होत आहे. तेव्हा चला सर्वानी मिळून उत्साहाने कामाला लागू या, आणि गणेशोत्सवाची जोरदार तयारी सुरु करूया. ऐकुया तर बाप्पाच्या आगमना-प्रित्यर्थ एक नुकतेच गाजलेले गणेश भक्ती रुपी चित्र गीत. "रॉकी " या चित्रपटातील हे गाणे असून ते लिहिले आहे, श्री संदीप  पाटील  यांनी आणि याला स्वर दिला आहे श्री आनंद शिंदे यांनी. या जल्लोषपूर्ण, भक्तिपूर्ण गाण्याचे बोल आहेत - " नाद निनादला रे मोरया नाद निनादला "


                                  गणपती बाप्पा गीत
                        " नाद निनादला रे मोरया नाद निनादला " 
                      --------------------------------------


नभी उधळला
उभ्या अंगात भिनला
उर भरून उरला,
तुझ्या भक्तीचा गुलाल हा I

ताशा कडाडला
आता ढोल धडाडला
कसा जल्लोष वाढला,
मनी उल्लास भरला I

नवा जणू रक्त पुष्पापरी देह रंगला,
तुझ्या नामघोषात हा जीव दंगला I

नाद निनादला रे मोरया नाद निनादला,
नाद निनादला रे गणपती बाप्पा मोरया
नाद निनादला रे मंगलमूर्ती मोरया,
नाद निनादला रे मोरया नाद निनादला I

शिवगौरीच्या नंदना
घ्यावी चरणी ही वंदना,
वक्रतुंडा हे लंबोदरा रे, तुझे वेड लागू दे साऱ्या जना
व्हावी कृपा गजानना
तोडी विघ्नाच्या बंधना,
नाही दाता तुझ्यासम  एकदंता, गणा पार करशी मनोकामना I


संत थोर गाती तुझा थाट आगळा,
भाव जाई ओसंडूनी काळजातला I

नाद निनादला रे मोरया नाद निनादला,
नाद निनादला रे गणपती बाप्पा मोरया
नाद निनादला रे मंगलमूर्ती मोरया,
नाद निनादला रे मोरया नाद निनादला I

होई चिंता निवारणी
देवा तुझ्याच कारणी ,
नाही साऱ्या जगी या, तुझ्यासारखा रे सखा तूच चिंतामणी
येशी जनतेच्या  तारणी
करण्या भक्त उधारणी,
बळ तुझ्या कृपेच्या प्रसादाचं, दे गणराया तू ये धावुनी I

बोलवूनी महिमा मुखी
कंठ दाटला,
घुमे आसमंती मनी उरी साठला I

नाद निनादला रे मोरया नाद निनादला,
नाद निनादला रे गणपती बाप्पा मोरया
नाद निनादला रे मंगलमूर्ती मोरया,
नाद निनादला रे मोरया नाद निनादला I


                      ==================
                           गायक : आनंद  शिंदे
                           चित्रपट : रॉकी 
                           गाण्याचे बोल : नाद  निनादला
                           गीतकार : संदीप  पाटील 
                           संगीतकार : समीर  सप्तीस्क 
                     ===================

                          (साभार-सप्तसूर लैरिकस .इन)

                       (सौजन्य-गणपती सॉंग्स मराठी-२०२१)

                         (संदर्भ-यु ट्यूब - निखिल पाटील)
                    -------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-06.09.2021-सोमवार.