II भक्ती-गीत II - "देहाची तिजोरी, भक्तीचाच ठेवा"

[Atul Kaviraje]

                                   II भक्ती-गीत II
                                    ----------------

मित्र/मैत्रिणींनो,

     आज बुधवार. आज ऐकुया एक ईश्वर भक्ती गीत.  या भक्ती गीताचे गायक आणि संगीतकार आहेत सुधीर  फडके . या गीताचे  बोल आहेत- "देहाची तिजोरी, भक्तीचाच ठेवा"

   
                                     भक्ती-गीत
                           "देहाची तिजोरी, भक्तीचाच ठेवा"
                          ------------------------------


देहाची तिजोरी, भक्तीचाच ठेवा,
उघड दार देवा आता, उघड दार देवा I

पिते दूध डोळे मिटूनी, जात मांजराची
मनी चोरट्याच्या का रे, भिती चांदण्यांची
सरावल्या हातांनाही, कंप का सुटावा,
देहाची तिजोरी, भक्तीचाच ठेवा,
उघड दार देवा आता, उघड दार देवा I

उजेडात होते पुण्य, अंधारात पाप
ज्याचे त्याचे हाती आहे, कर्तव्याचे माप
दुष्ट दुर्जनांची कैसी, घडे लोक सेवा,
देहाची तिजोरी, भक्तीचाच ठेवा,
उघड दार देवा आता, उघड दार देवा I

स्वार्थ जणू भिंतीवरचा, आरसा बिलोरी
आपुलीच प्रतिमा होते, आपुलीच वैरी
घडोघडी अपराध्यांचा, तोल सावरावा,
देहाची तिजोरी, भक्तीचाच ठेवा,
उघड दार देवा आता, उघड दार देवा I

तुझ्या हाती पांडुरंगा, तिजोरी फुटावी
मुक्तपणे भक्ती माझी, तुझी तू लुटावी
मार्ग तुझ्या राऊळाचा, मला आकळावा,
देहाची तिजोरी, भक्तीचाच ठेवा,
उघड दार देवा आता, उघड दार देवा I

भलेपणासाठी कोणी, बुरेपणा केला
बंधनात असुनी वेडा, जगी मुक्त झाला 
आपुल्याच सौख्यालागी, करील तो हेवा,
देहाची तिजोरी, भक्तीचाच ठेवा,
उघड दार देवा आता, उघड दार देवा I

               =====================
                    गीत : देहाची  तिजोरी
                    गायक  : सुधीर  फडके
                    संगीतकार  : सुधीर  फडके
                    म्युझिक लेबल   : सारेगम  मराठी
              =====================


              (साभार आणि सौजन्य-सुपरहिट मराठी भक्ती गीते-भाग-1)
                                      (संदर्भ-यु ट्यूब)
           ---------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-08.09.2021-बुधवार.