II गणपती बाप्पा मोरया II -कविता क्रमांक-2

[Atul Kaviraje]

                                  II गणपती बाप्पा मोरया II
                                         कविता क्रमांक-2
                                 --------------------------

मित्र/मैत्रिणींनो,

     दिनांक,१०.०९.२०२१-शुक्रवार पासून यंदाची गणेशोत्सवाची सुरुवात झाली आहे. सर्वत्र मंगलमय,उत्साहाचे वातावरण पसरले आहे. दहा दिवसांच्या या गणेश सणाला अक्षरशः जत्रेचे स्वरूप प्राप्त होते. मराठी कवितेच्या, माझ्या सर्व कवी-कवयित्री बंधू-भगिनींस या गणेश चतुर्थीच्या, गणेशोत्सवाच्या हार्दिक शुभेच्छा. या निमित्त, जाणून घेऊया, गणेशोत्सवाचे महत्त्व, माहिती, महत्त्वपूर्ण लेख, पूजा विधी, व्रत वैकल्य, कथा, इतिहास, स्टेटस, शुभेच्छा, शायरी, कविता आणि बरंच काही. 

                                    गणपती गजानना
                                  -----------------

गणपती गजानना
देवा लवकर ये रे।।धृ।।

पार्वतीचा नंदन तू
अंगमळीचा बनला
सुपावानी कान तुझे
हत्तीपरी सोंड तुला
मंगलप्रसंगी तुझा
देवा प्रथम मान रे।।१।।

दूर्वा आणिक जास्वंद
आघाडा तुज आवडे
लाडू पेढा गोडधोड
खाण्या मूषक बागडे
मोदकाचे ताट पुढे
गणेशा प्रसाद खा रे।।२।।

भाद्रपद मास येता
होते तुझे आगमन
दहा दिवस राहुनी
मग होई विसर्जन
तुझ्या उत्सवात आम्ही
करितो खुप मजा रे।।३।।

            कवयित्री -शीला  अंभुरे
          ----------------------- 

                      (साभार आणि सौजन्य-संदर्भ-स्टोरी मिरर.कॉम)
                  ---------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-10.09.2021-शुक्रवार.