II स्वागत पावसाचे II - पाऊस-थेम्ब क्रमांक-2

[Atul Kaviraje]

                                    II स्वागत पावसाचे II
                                  ---------------------     

मित्र/मैत्रिणींनो,

     पाऊस अजूनही पडतो आहे. पावसाचे दिवस आहेत. ऐकुया तर पावसावरली गाणी आणि कविता. आजच्या कवितेचे ( पाऊस-थेम्ब क्रमांक-2 ), बोल आहेत- " पाऊस कधीचा पडतो "

                                    पाऊस-थेम्ब क्रमांक-2
                                  " पाऊस कधीचा पडतो "
                                  -----------------------


पाऊस कधीचा पडतो-----


पाऊस कधीचा पडतो
झाडांची हलती पाने,
हलकेच जाग मज आली
दु:खाच्या मंद सुराने.

डोळ्यांत उतरते पाणी
पाण्यावर डोळे फिरती,
रक्ताचा उडला पारा
या नितळ उतरणीवरती.

पेटून कशी उजळेना
ही शुभ्र फुलांची ज्वाला,
तार्‍यांच्या प्रहरापाशी
पाऊस असा कोसळला.

संदिग्ध घरांच्या ओळी
आकाश ढवळतो वारा,
माझ्याच किनार्‍यावरती
लाटांचा आज पहारा.

                   कवी -ग्रेस
                  ----------
                 
                      (साभार आणि सौजन्य-संदर्भ-मराठीकवितासंग्रह.इन)
                   ------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-12.09.2021-रविवार.