IIओम सूर्याय नमःII - सूर्य -प्रार्थना - "पूर्वेच्या देवा तुझे सूर्यदेव नाव"

[Atul Kaviraje]

                                IIओम सूर्याय नमःII
                                ------------------

मित्र/मैत्रिणींनो,

     आज रविवार. तेजोमय भास्कराचा वार. आज ऐकुया, सूर्य-नारायणाचे एक भक्ती-गीत  (सूर्य -प्रार्थना) या गीताचे गीतकार श्री गंगाधर  महाम्बरे आहेत आणि या गीताला स्वर दिला आहे रामदास  कामत  यांनी, आणि या गीताचे बोल आहेत - "पूर्वेच्या देवा तुझे सूर्यदेव नाव"


                                  सूर्य-नारायण भक्ती गीत
                                        सूर्य -प्रार्थना
                               "पूर्वेच्या देवा तुझे सूर्यदेव नाव"
                             -----------------------------   
             
                                     
पूर्वेच्या देवा तुझे सूर्यदेव नाव
प्रभातीच येशी सारा जागवीत गाव I

विधाता जगाचा तूची उधळीत आशा
उजळिशी येता येता सभोवती जग दिशा
रथ तुझा सोनियाचा धावे भरधाव I

अंधारास प्रभा तुझी गिळे प्रभाकर
दिवसा तू ज्ञानदीप लावी दिवाकर
सृष्टीला या चैतन्याचा तुझा पेहराव I

पुष्पपत्रदानाची रे तुला नसे आस
तूच चालुनिया येशी माझिया घरास
भक्ताठायी गुंतलासे तुझा भक्तिभाव I


                     =================
                          गीत: गंगाधर  महाम्बरे
                          संगीत: वीणा  चिटको
                          स्वर: रामदास  कामत
                          राग: भूप 
                          गीतप्रकार: सूर्य -प्रार्थना
                     =================

                   (साभार आणि सौजन्य-संदर्भ-आठवणीतील  गाणी )
                 ----------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-12.09.2021-रविवार.