II स्वागत पावसाचे II-पाऊस-थेम्ब क्रमांक-3 - "ती गेली तेव्हा"

[Atul Kaviraje]

                                   II स्वागत पावसाचे II
                                  ---------------------     

मित्र/मैत्रिणींनो,

     पाऊस अजूनही पडतो आहे. पावसाचे दिवस आहेत. ऐकुया तर पावसावरली गाणी आणि कविता. आजच्या कवितेचे ( पाऊस-थेम्ब क्रमांक-3 ), बोल आहेत-  " ती गेली तेव्हा"

                                    पाऊस-थेम्ब क्रमांक-3
                                        "ती गेली तेव्हा"
                                  -----------------------

             
ती गेली तेव्हा रिमझिम, पाऊस निनादत होता
मेघांत अडकली किरणे, हा सूर्य सोडवित होता |

ती आई होती म्हणुनी, घनव्याकुळ मीही रडलो
त्यावेळी वारा सावध, पाचोळा उडवित होता |

अंगणात गमले मजला, संपले बालपण माझे
खिडकीवर धुरकट तेव्हा, कंदील एकटा होता |

तशि सांजहि अमुच्या दारी, येऊन थबकली होती
शब्दांत अर्थ उगवावा, अर्थांतुन शब्द वगळता |

हे रक्त वाढतानाही, मज आता गहिंवर नाही
वस्त्रांत द्रौपदीच्याही, तो कृष्ण नागडा होता |

                          कवी -ग्रेस
                         ----------
                 
                      (साभार आणि सौजन्य-संदर्भ-मिसळपाव .कॉम )
                    --------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-13.09.2021-सोमवार.