II गौरी-गणपती शुभेच्छा II - गौराई गाणी क्रमांक-6

[Atul Kaviraje]

                                    II  गौरी-गणपती शुभेच्छा II
                                         गौराई गाणी क्रमांक-6
                                   ---------------------------

मित्र/मैत्रिणींनो,

     दिनांक- १२.०९.२०२१-रविवार रोजी गौरी चे आगमन होत आहे, दिनांक-१३.०९.२०२१-सोमवार रोजी तिचे साग्रसंगीत पूजन होऊन, दिनांक-१४.०९.२०२१-मंगळवार रोजी, गणेश मूर्ती सह तिचे विसर्जन होणार आहे. मराठी कवितेच्या सर्व कवी आणि कवयित्री, बंधू-भगिनींस गौरी-गणेशाच्या हार्दिक शुभेच्छा. ऐकुया, गौराईच्या आगमनाप्रीत्यर्थ काही गाणी.

गौराईचं कौतुकच न्यारं... गौरी गणपतीच्या गाण्यांचा खजिना-----



                                     गौरी गणपतीची गाणी :
                               11. अगं या गवरीच्या महिन्यात...
                             -------------------------------

गाण्याचे बोल :-----


अगं या गवरीच्या महिन्यात, लागली गवर, गवर फुलायला.

बंधू लागला लागला बोलायला, जातो बहिणीला बहिणीला आणायला

कर शिदोरी शिदोरी भरपेट, भर शिदोरी शिदोरी काठोकाठ

गेला बहिणीला बहिणीला आणायला, आडव्या नदीला नदीला आला पूर

पाच फुलांची फुलांची केली नाव, त्यात बसले बसले बहीण भाऊ

वल्हं मारतो मारतो नामदेव, नामदेवाच्या देवाच्या एकादशी

भावजं तळती तळती अनारस, आला बहिणीला बहिणीला घेऊईनी

वाढ बहिणीला बहिणीला दूध-भात, रात्री म्हशीनं म्हशीनं दिली लाथ

तांब्या पडला पडला गोरणीत, कुठला वाढू मी वाढू मी दूध-भात

वाढ बहिणीला बहिणीला दही-भात, त्याही दह्याचं दह्याचं केलं ताक

कुठला वाढू मी वाढू मी दही-भात.

वाढ बहिणीला बहिणीला ताक-भात, त्याही ताकाची ताकाची केली कढी

त्याही कढीचा कढीचा नाश झाला.

कुठला वाढू मी वाढू मी कढी-भात.


                                     गौरी गणपतीची गाणी :
                                  12. साथी शंकर बनामधी...
                                ---------------------------

गाण्याचे बोल :-----


साथी शंकर बनामधी, एकलाच गणू माझा वनामधी

गणूनं काय हरवलं, गणूनं तोंड हरवलं

हरवलं तर हरवू द्या गं, गणूला घरला घेऊन या- १


साथी शंकर बनामधी, एकलाच गणू माझा वनामधी

गणूनं काय हरवलं, गणूनं पैंजण हरवलं

हरवलं तर हरवू द्या गं, गणूला घरला घेऊन या- २


साथी शंकर बनामधी, एकलाच गणू माझा वनामधी

गणूनं काय हरवलं, गणूनं साखळी हरवली

हरवली तर हरवू द्या गं, गणूला घरला घेऊन या- ३


साथी शंकर बनामधी, एकलाच गणू माझा वनामधी

गणूनं काय हरवलं, गणूनं तोरड्या हरवलं

हरवलं तर हरवू द्या गं, गणूला घरला घेऊन या- ४


                           (संकलन : सुजाता पाटील)
                       
                  (साभार आणि सौजन्य-संदर्भ-इ सकाळ.कॉम)
                ------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-13.09.2021-सोमवार.