भाव-गीत - "अजुनी रुसून आहे"

[Atul Kaviraje]

मित्र/मैत्रिणींनो,

     आज  ऐकुया एक भाव-गीत. या गीताचे गीतकार आहेत  कवी  अनिल ,आणि याला स्वर दिला आहे पंडित  कुमार  गंधर्व  यांनी. या भाव-गीताचे बोल आहेत-"अजुनी रुसून आहे" 

                                          भाव-गीत
                                    "अजुनी रुसून आहे" 
                                  ---------------------

 
अजुनी रुसून आहे, खुलता कळी खुले ना,
मिटले तसेच ओठ, की पाकळी हले ना !

समजूत मी करावी, म्हणुनीच तू रुसावे
मी हास सांगताच, रडताहि तू हसावे
ते आज का नसावे, समजावणी पटे ना,
धरिला असा अबोला, की बोल बोलवेना !

का भावली मिठाची, अश्रूंत होत आहे
विरणार सागरी ह्या, जाणून दूर राहे ?
चाले अटीतटीने, सुटता अढी सुटेना,
मिटवील अंतराला, ऐसी मिठि जुटे ना !

की गूढ काहि डाव, वरचा न हा तरंग
घेण्यास खोल ठाव, बघण्यास अंतरंग
रुसवा असा कसा हा, ज्या आपले कळेना ?
अजुनी रुसून आहे, खुलता कळी खुले ना !


                         ==================
                              गीत  - कवी  अनिल
                              संगीत - पंडित  कुमार  गंधर्व
                              स्वर  - पंडित  कुमार  गंधर्व
                              गीत  प्रकार -भाव  गीत
                         ===================


                  (साभार आणि सौजन्य-संदर्भ-आठवणीतील गाणी.कॉम)
                 ------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-13.09.2021-सोमवार.