सुरेश भटांची गझल - "उशीर"

[Atul Kaviraje]

मित्र/मैत्रिणींनो,

      गज़ल - सम्राट श्री सुरेश भट हे गझलकार म्हणून ओळखले जातात. बऱ्याचश्या अप्रतिम, अर्थपूर्ण गझला त्यांनी लिहिल्या आहेत. "गझल" या विषया-अंतर्गत ऐकुया भटांची एक गझल. गझलीचे बोल आहेत-  "उशीर"


                                      सुरेश भटांची गझल
                                        गझल-क्रमांक-6
                                            "उशीर"
                                   ----------------------


हेही असेच होते, तेही तसेच होते
आपापल्या ठिकाणी सारे ससेच होते!

केले न बंड कोणी.. त्या घोषणाच होत्या!
ज्यांनी उठाव केला तेही घसेच होते!

आला न गंध त्यांना केव्हाच चंदनाचा..
सारे उगाळलेले ते कोळसेच होते!

तू भेटलीस तेव्हा मी बोललोच नाही!
तू भेटतेस तेव्हा माझे असेच होते!

होती न ती दयाही.. ती जाहिरात होती!
जे प्रेम वाटले ते माझे हसेच होते!

झाला उशीर जेव्हा हाका तुला दिल्या मी.
मातीत पावलांचे काही ठसेच होते!

                         (साभार आणि सौजन्य-श्री सुरेश भट)
                       ----------------------------------
                                 (संदर्भ-सुरेशभट .इन)
                               ----------------------


-----संकलन
-----श्री.अतुल एस.परब(अतुल कवीराजे)
-----दिनांक-13.09.2021-सोमवार.