लावणी-रचना - "अहो जाईजुईच्या फुला"

[Atul Kaviraje]

 मित्र/मैत्रिणींनो,

     "लावणी" या विषया-अंतर्गत एक लावणी - रचना मी प्रस्तुत करीत आहे. " रानपाखर  " या चित्रपटातील शोभा गुर्टू , ललिता फडके यांनी गायलेली ही लावणी आहे, व आजही ती वारंवार ऐकली जाते . लावणीचे बोल आहेत- "अहो जाईजुईच्या फुला" 


                                         लावणी-रचना
                                           क्रमांक-6
                                   "अहो जाईजुईच्या फुला"
                                 -------------------------
                                 
अहो जाईजुईच्या फुला
जरा हसून माझ्यासंग बोला
जीवघेणा पुरे हा अबोला
काई आगळीक सांग तरी घडली ?
माझी माय कशी हो तुम्ही तोडली ?

गोरागोरा हो तुमचा रंग
पिकला लिंबू नितळ तस अंग
चोळी ल्याले गाजणानी तंग
लाल शालूची आज घडी मोडली
माझी माया कशी हो तुम्ही तोडली!

चांद पुनवेचा वर सरकला
मोगरा शेजेवर सुकला
ताटकळून जीव राया थकला
घ्या हो मिठीत काया अवघडली !
माझी माया कशी हो तुम्ही तोडली ?

                ===========================
                     । गीत : शांता शेळके ।
                     । संगीतकार : दशरथ पुजारी , कमलेश -शैलेश  ।
                     । गायक : शोभा गुर्टू , ललिता फडके ।
                     । गीतप्रकार: लावणी ।
                     I चित्रपट  : रानपाखर  I
               ============================

                (साभार आणि सौजन्य-संदर्भ -आठवणीतील गाणी-लावणी)
             --------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-13.09.2021-सोमवार.