II स्वागत पावसाचे II - पाऊस-थेम्ब क्रमांक-4 - "बाई या पावसानं !"

[Atul Kaviraje]

                                   II स्वागत पावसाचे II
                                  ---------------------     

मित्र/मैत्रिणींनो,

     पाऊस अजूनही पडतो आहे. पावसाचे दिवस आहेत. ऐकुया तर पावसावरली गाणी आणि कविता. आजच्या कवितेचे ( पाऊस-थेम्ब क्रमांक-4 ), बोल आहेत-  "बाई या पावसानं "

                                      पाऊस-थेम्ब क्रमांक-4
                                        "बाई या पावसानं !"
                                   -------------------------
             

बाई या पावसानं लावियली
बाई या पावसानं, लावियली झीमझीम
भिजविलं माळरान, उदासलं मन
बाई या पावसानं !

दिनभर देई ठाणं, रात्रिस बरसून
सकाळिचं लोपविलं कोवळं ऊन छान
बाई या पावसानं !

फुलली ही जाई-जुई, बहरून वाया जाई
पारिजातकाची बाई, कशी केली दैन
मातीत पखरण
बाई या पावसानं !

नदीनाले एक झाले, पूर भरुनीया चाले
जिवलग कोठे बाई पडे अडकून
नच पडे चैन !
बाई या पावसानं !

                    ====================
                         गीतकार : आ. रा. देशपांडे 'अनिल'
                         संगीतकार : जी. एन्‌. जोशी
                         स्वर : पु. ल. देशपांडे
                         गीत प्रकार : भाव-गीत
                   =====================

                (साभार आणि सौजन्य-संदर्भ-मराठी सॉंग्स .नेटभेट .कॉम)
              ----------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-13.09.2021-सोमवार.