II गौरी-गणपती शुभेच्छा II - गौराई गाणी क्रमांक-10

[Atul Kaviraje]

                                    II  गौरी-गणपती शुभेच्छा II
                                        गौराई गाणी क्रमांक-10
                                  ----------------------------

मित्र/मैत्रिणींनो,

     दिनांक- १२.०९.२०२१-रविवार रोजी गौरी चे आगमन होत आहे, दिनांक-१३.०९.२०२१-सोमवार रोजी तिचे साग्रसंगीत पूजन होऊन, दिनांक-१४.०९.२०२१-मंगळवार रोजी, गणेश मूर्ती सह तिचे विसर्जन होणार आहे. मराठी कवितेच्या सर्व कवी आणि कवयित्री, बंधू-भगिनींस गौरी-गणेशाच्या हार्दिक शुभेच्छा. ऐकुया, गौराईच्या आगमनाप्रीत्यर्थ काही गाणी.

गौराईचं कौतुकच न्यारं... गौरी गणपतीच्या गाण्यांचा खजिना-----



                                 गौरी गणपतीची गाणी :
                                19. गाणे गा रे पाखरा...
                             -------------------------

मुळ गौरी गीत:----


गाणे गा रे पाखरा, ये रे नदी वाटेला

गौराई निघाली सासरा रे, येरे नदी वाटेला

एक दिवस- एक रात्र गौराई माझी राहिली

भाजी-भाकरी जेवली, रानोमाळ हिंडली

सोनियाच्या पावलांनी आली होती माऊली

गाणे गा रे पाखरा, ये रे नदी वाटेला

गौराई निघाली सासरा रे, येरे नदी वाटेला

दोन दिवस- दोन रात्री, गौराई माझी राहिली

पुरणपोळी जेवली, रानोमाळ हिंडली

सोनियाच्या पावलांनी आली होती माऊली

गाणे गा रे पाखरा, ये रे नदी वाटेला

गौराई निघाली सासरा रे, ये रे नदी वाटेला

तीन दिवस- तीन रात्री, गौराई माझी राहिली

दही-भात जेवली, रानोमाळ हिंडली

सोनियाच्या पावलांनी आली होती माऊली.


                                 गौरी गणपतीची गाणी :
                                 20. साळुंकी सालकी...
                              -------------------------
 

मुळ गौरी गीत:-----


साळुंकी सालकी, तुझी माझी पालखी

रामाची जानकी फुगडी फू, बाई फुगडी फू

गेले होते विहिरी, विसरली दोरी

फुगडी फू, बाई फुगडी फू.

गेले होती माडी, विसरली साडी

फुगडी फू, बाई फुगडी फू.

गेले होती माडी, विसरली कुडी

फुगडी फू, बाई फुगडी फू.


                           (संकलन : सुजाता पाटील)
                       
                  (साभार आणि सौजन्य-संदर्भ-इ सकाळ.कॉम)
                ------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-14.09.2021-मंगळवार.