II गणपती बाप्पा मोरया II - कविता क्रमांक-6-गणपती आले !!

[Atul Kaviraje]

                                    II गणपती बाप्पा मोरया II
                                          कविता क्रमांक-6
                                   --------------------------

मित्र/मैत्रिणींनो,

     दिनांक,१०.०९.२०२१-शुक्रवार पासून यंदाची गणेशोत्सवाची सुरुवात झाली आहे. सर्वत्र मंगलमय,उत्साहाचे वातावरण पसरले आहे. दहा दिवसांच्या या गणेश सणाला अक्षरशः जत्रेचे स्वरूप प्राप्त होते. मराठी कवितेच्या, माझ्या सर्व कवी-कवयित्री बंधू-भगिनींस या गणेश चतुर्थीच्या, गणेशोत्सवाच्या हार्दिक शुभेच्छा. या निमित्त, जाणून घेऊया, गणेशोत्सवाचे महत्त्व, माहिती, महत्त्वपूर्ण लेख, पूजा विधी, व्रत वैकल्य, कथा, इतिहास, स्टेटस, शुभेच्छा, शायरी, कविता आणि बरंच काही. 

                                      गणपती आले !!
                                    ----------------

गणपती आले !!

आले रे आले गणपती आले
ऊंदरावरती बैसोनी आले
गणपती बाप्पा मोरया
मंगलमूर्ति मोरया
स्वागत तुमचं घरात आमच्या
गणपती बाप्पा मोरया I

वक्रतुंड हे रूप मनोहर
एकदंत जरी सुरेख सुंदर
विशाल कर्ण तरी बाळी बरोबर
नाजूक नेत्रांवरी मध्येच सिंदूर
विराजमान हे झाले लंबोदर I

आले रे आले गणपती आले
ऊंदरावरती बैसोनी आले
गणपती बाप्पा मोरया
मंगलमूर्ति मोरया
स्वागत तुमचं घरात आमच्या
गणपती बाप्पा मोरया I

कटी पितांबर शेला भरजरी
अलंकार सुवर्ण लेवून अंगावरी
हाती मोदक, लाडु बरोबरी
घेवूनी तांब्र फुलांचे हार अंगावरी
विराजमान झाली लंबोदर स्वारी I

आले रे आले गणपती आले
ऊंदरावरती बैसोनी आले
गणपती बाप्पा मोरया
मंगलमूर्ति मोरया
स्वागत तुमचं घरात आमच्या
गणपती बाप्पा मोरया I

दुर्वांसह फुलांनी मखर सजले
समईत मंद दिवे लागले
कर्पुर धुपारतीचे गंध विहरले
टाळं मृदुंग ही घुमु लागले
विराजमान लंबोदर हे झाले I

आले रे आले गणपती आले
ऊंदरावरती बैसोनी आले
गणपती बाप्पा मोरया I

मंगलमूर्ति मोरया
स्वागत तुमचं घरात आमच्या
गणपती बाप्पा मोरया I

                     कवी-प्रशांत  कदम
                   -------------------

                        (साभार आणि सौजन्य-संदर्भ-स्टोरी मिरर.कॉम)
                     --------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-14.09.2021-मंगळवार.