II स्वागत पावसाचे II - पाऊस-थेम्ब क्रमांक-5 - "पाऊस"

[Atul Kaviraje]

                                   II स्वागत पावसाचे II
                                  ---------------------     

मित्र/मैत्रिणींनो,

     पाऊस अजूनही पडतो आहे. पावसाचे दिवस आहेत. ऐकुया तर पावसावरली गाणी आणि कविता. आजच्या कवितेचे ( पाऊस-थेम्ब क्रमांक-5 ), बोल आहेत- "पाऊस"

                                     पाऊस-थेम्ब क्रमांक-5
                                            "पाऊस"
                                    ----------------------


आज  साऱ्या  देहावरी  तिने  झेलला  पाऊस
देहाच्याही  आत  आत  जणू  पोचला  पाऊस.

देह  झाला  कस्तुरीचा  केवडाही  घमघमे
इथेतिथे  ठायीठायी  गंधभारला  पाऊस.

देह  मनाच्या  या  रेषा  किती  धूसर  अस्फुट
मनाच्या  या   अंगणात  मस्त  फुलला  पाऊस.

आभाळाने  दान  द्यावे  धरित्रीच्या  पदरात
सोसाट्याने  घेता  दान  किती  झुलला  पाऊस.

पावसाच्या  धुंद  वेळा   मन  तिचे  आवरेना
स्वातीच्या  या  शिंपल्यात  बघ  रुजला  पाऊस.

                    कवी-अनामिक
                 ---------------- 

                  (साभार आणि सौजन्य-संदर्भ-गौरवमराठीचा.ब्लॉगस्पॉट.कॉम)
                ------------------------------------------------------



-----संकलन
-----श्री.अतुल एस.परब(अतुल कवीराजे)
-----दिनांक-15.09.2021-बुधवार.