II स्वागत पावसाचे II-पाऊस-थेम्ब क्रमांक-6 - "पावसाच्या मनातलं"

[Atul Kaviraje]

                                   II स्वागत पावसाचे II
                                  ---------------------     

मित्र/मैत्रिणींनो,

     पाऊस अजूनही पडतो आहे. पावसाचे दिवस आहेत. ऐकुया तर पावसावरली गाणी आणि कविता. आजच्या कवितेचे ( पाऊस-थेम्ब क्रमांक-6 ), बोल आहेत- "पावसाच्या  मनातलं"


                                      पाऊस-थेम्ब क्रमांक-6
                                       "पावसाच्या  मनातलं"
                                    -----------------------

पावसाच्या  मनातलं--------

           
पावसाच्या  मनातलं,  मला  काही  कळत  नाही
तो  बरसतो  अन  तिची  आठवण  काही  सरत  नाही.

त्याला  म्हटलं  टळ  की  लेका , त्रास  का  देतोस
तुझी  रिमझिम  तिची  चाहूल,  काही  विसरू  देत  नाही.

तो  वाफाळता  कप , त्या  खिडकीतल्या  गप्पा
ते  ओलेचिंब  भिजणे , डोळ्यांना  काही  हसू  देत  नाही.

म्हणतो  आता  जादू  बघ , अन  हसला  गडगडाटी
दारावर  टकटक  झालं,  अन  पाहतो  तर  ती  उभी  होती.

हसली  खुद्कन,  अन  ओलेतीच  येऊन  बिलगली
आणि  ओढतच  मला  पावसात  घेऊन  गेली.

हं, खरंच  पावसाचं,  मला  काही  कळत  नाही
तो  सरलाय  आता,  पण  तो  क्षण  काही  सरत  नाही
तो  बरसतोय,  आणि  तिची  आठवण  काही  सरत  नाही.


           ----अनामिक  कवी
               ---------------

                 (साभार आणि सौजन्य-संदर्भ-गौरवमराठीचा .ब्लॉगस्पॉट .कॉम)
               --------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-16.09.2021-गुरुवार.