II गणपती बाप्पा मोरया II - कविता क्रमांक-9

[Atul Kaviraje]

                                     II गणपती बाप्पा मोरया II
                                           कविता क्रमांक-9
                                    --------------------------

मित्र/मैत्रिणींनो,

     दिनांक,१०.०९.२०२१-शुक्रवार पासून यंदाची गणेशोत्सवाची सुरुवात झाली आहे. सर्वत्र मंगलमय,उत्साहाचे वातावरण पसरले आहे. दहा दिवसांच्या या गणेश सणाला अक्षरशः जत्रेचे स्वरूप प्राप्त होते. मराठी कवितेच्या, माझ्या सर्व कवी-कवयित्री बंधू-भगिनींस या गणेश चतुर्थीच्या, गणेशोत्सवाच्या हार्दिक शुभेच्छा. या निमित्त, जाणून घेऊया, गणेशोत्सवाचे महत्त्व, माहिती, महत्त्वपूर्ण लेख, पूजा विधी, व्रत वैकल्य, कथा, इतिहास, स्टेटस, शुभेच्छा, शायरी, कविता आणि बरंच काही. 


                                         इतर  कविता
                                         गणेश  वंदन
                                      ----------------

वाजत  गाजत  आले  गणराज
लेऊन  सारे  सुवर्णाचे  साज

मंगल  तोरण  बांधूया  दारी
छत्र    चामर  ही  शोभती  पाठी
तुंदील  तनू  ही  सुंदर  गोमटी
भालचंद्राची  करूया  आरती   II1II

सुखकर्ता  तू , दुःखहर्ता  तू
सिद्धहस्त  तू , विनायक  तू
मूर्तिमंत  सोज्वळ  रूप  तुझे
गजानन , गणराज  आणि  गणेश  तू   II2II

कार्य  सिद्धी  कार्य  येई  सकळ
आशीर्वाद  असुदे  मला  बक्कळ
तुझ्या  कृपेची  लाभू  दे  माळ
अर्पण  करितो  तुजला  सुमनांची  माळ   II3II

                 कवी-प्रसन्ना जी. के.
               --------------------


                                            इतर  कविता
                                       गणपती  बाप्पा  मोरया
                                     ----------------------
                                 
प्रथम  वंदन    करूया ,
गणपती  बाप्पा  मोरया...

कुणी  म्हणे  तुज  "ओंकारा ",
पुत्र  असे  तू  गौरीहरा ...

कुणी  म्हणे  तुज  "विघ्नहर्ता ",
तू  सृष्टीचा  पालनकर्ता ...

कुणी  म्हणे  तुज  "एकदंता ",
सर्वांचा  तू  भगवंता ...

कुणी  म्हणे  तुज  "गणपती ",
विद्येचा    तू  अधिपती ...

कुणी  म्हणे  तुज  "वक्रतुंड ",
शक्तिमान  हि  तुझी  सोंड ...

गणपती  बाप्पा  मोरया ,
गणपती  बाप्पा  मोरया  !

                     कवी-अनामिक
                   ---------------


-----संकलन
-----श्री.अतुल एस.परब(अतुल कवीराजे)
-----दिनांक-17.09.2021-शुक्रवार.