II स्वागत पावसाचे II - पाऊस-थेम्ब क्रमांक-9 -"अनुरागाचे थेम्ब झेलती "

[Atul Kaviraje]

                                   II स्वागत पावसाचे II
                                  ---------------------     

मित्र/मैत्रिणींनो,

     पाऊस अजूनही पडतो आहे. पावसाचे दिवस आहेत. ऐकुया तर पावसावरली गाणी आणि कविता. आजच्या कवितेचे ( पाऊस-थेम्ब क्रमांक-9 ), बोल आहेत- "अनुरागाचे  थेम्ब  झेलती "

                                      पाऊस-थेम्ब क्रमांक-9
                                    "अनुरागाचे  थेम्ब  झेलती "
                                  --------------------------

अनुरागाचे  थेम्ब  झेलती , प्रीत  लतेची  पाने
तुझ्या  नि  माझ्या  भेटीमधुनी ,फुलती  धुंद  तराणे.

मंतरला  हा  कुंज  लाजरा
महीवरला  सुम -भार  हासला
झिरमिर  झिरमिर  पाऊसधारा , गाती  श्रावण -गाणे
अनुरागाचे  थेम्ब  झेलती , प्रीत  लतेची  पाने.

मधुमय  हा  मृदगंध  वाहतो
बहरुनिया  वनवृन्द  नाचतो
तरुवेलींना  असे  बिलगती ,अधिऱ्या   प्रीतिसुखाने
अनुरागाचे  थेम्ब  झेलती , प्रीत  लतेची  पाने.

अनुरागाचे  थेम्ब  झेलती , प्रीत  लतेची  पाने
तुझ्या  नि  माझ्या  भेटीमधुनी ,फुलती  धुंद  तराणे.

                           ====================
                                गीत  : शांताराम  नांदगावकर
                                संगीत  : अशोक  पत्की
                                स्वर  : अनुराधा  पौडवाल
                                गीतप्रकार  : भावगीत , ऋतू  बरवा
                           =====================


                     (साभार आणि सौजन्य-संदर्भ-आठवणीतली-गाणी.कॉम)
                   --------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-19.09.2021-रविवार.