II ओम नमः शिवाय II-शिव शंकर भक्ती-गीत -"शंभो, शंकरा, करुणाकरा"

[Atul Kaviraje]

                                 II ओम नमः शिवाय II
                                ----------------------

मित्र/मैत्रिणींनो,

     आज श्री शंकराचा वार, सोमवार. आज मी तुम्हाला शंकराचे एक चित्रपट भक्ती गीत ऐकवीत आहे. फारच लोकप्रिय असे हे गीत, याचे बोल आहेत - "शंभो, शंकरा, करुणाकरा"


                                        शिव शंकर भक्ती-गीत
                                     "शंभो, शंकरा, करुणाकरा"
                                    --------------------------                   
                                           

शंभो, शंकरा, करुणाकरा, जग जागवा !

अंधार हा लोपवा
द्यावा प्रकाश नवा
चराचर उजळाया चैतन्याची ज्योत चेतवा, हे शिवा !

सांब सदाशिव हे त्रिपुरारी, शंभो !
हे भवतारक दु:ख निवारी, शंभो !

संमार्जिली अंगणे
पान्हावली गोधने
आसावला आसमंत अमृताने चिंब नाहवा, हे शिवा !

सांब सदाशिव हे त्रिपुरारी, शंभो !
हे भवतारक दु:ख निवारी, शंभो !

तू आपदा वारणारा
तू दु:खिता तारणारा
होई कृपावंत, विश्वातले आर्त, अभयंकरा शांतवा, हे शिवा !

सांब सदाशिव हे त्रिपुरारी, शंभो !
हे भवतारक दु:ख निवारी, शंभो !

                            =================
                                गीतकार : सुधीर मोघे
                                संगीतकार : सुधीर फडके
                                गायिका : अनुराधा पौडवाल
                                चित्रपट : थोरली जाऊ (१९८३)
                           ===================


           (साभार आणि सौजन्य -सुपरहिट मराठी महादेवाची भक्तिगीते -भाग-1)
                                         (संदर्भ-यु ट्यूब)
         -----------------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-20.09.2021-सोमवार.