इतर कविता - (क्रमांक -4) - "फुलतोस तू परंतू, जळतात लोक येथे"

[Atul Kaviraje]

                                        इतर  कविता 
                                        (क्रमांक -4)
                                      ---------------

मित्र/मैत्रिणींनो,

     "इतर  कविता"  अंतर्गत  मी  इतर  कवींच्या  कविता  आपणापुढे  सादर  करीत आहे . हे  गीत अविनाश ओगले यांनी  लिहिले आहे आणि  या  कवितेचे  शीर्षक  आहे -"फुलतोस तू परंतू, जळतात लोक येथे"

   
                              "फुलतोस तू परंतू, जळतात लोक येथे"
                             -----------------------------------


फुलतोस तू परंतू, जळतात लोक येथे
केव्हा तरी नव्याने कळतात लोक येथे

आम्ही तुझ्याच मागे ते सांगतात तुजला
सोडून एक‌‍ट्याला पळतात लोक येथे

हातात हात देती, तू चालशी पुढे अन्
अर्ध्यावरुन मागे वळतात लोक येथे

त्यांची वृथाच वचने, त्यांच्या वृथाच शपथा
मोडून शब्द अपुला ढळतात लोक येथे

त्यांची महान तत्त्वे, होती क्षणात खोटी
स्वार्थासमोर साध्या चळतात लोक येथे

– अविनाश ओगले
   ---------------

                              (संकलक- सुजित बालवडकर)
                   (साभार आणि सौजन्य-मराठीकविता .वर्डप्रेस .कॉम )
                -------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-20.09.2021-सोमवार.