"गौळणी-राधा-कृष्ण प्रेम-खोड्या व इतर चारोळ्या"- चारोळी-पुष्प-4

[Atul Kaviraje]

                         "गौळणी-राधा-कृष्ण प्रेम-खोड्या व इतर चारोळ्या"
                       ----------------------------------------------

मित्र/मैत्रिणींनो,

     आज ऐकुया, "गौळणी-राधा-कृष्ण प्रेम-खोड्या व इतर चारोळ्या" ,या विषया अंतर्गत चारोळी-पुष्प-4.

     कृष्ण  खोड्याना , कृष्ण  लीलांना  आज  जरा  वेगळाच  रंग  आला  होता . तसा  तो  नेहमीच  येत  असतो . पण  आज  या  रंगात  अखिल  जगाचा  श्रीरंग  जणू रंगून  गेला  होता . त्याच्या  या  लीलांना  आज  ऊत  आला  होता . आणि  त्याचा  केंद्रबिंदू  ही  त्याची  आवडती  राधा  होती .

     त्याची  बाल -मैत्रीण  राधा , कान्हाला   अगदीच  जवळची  होती . तिला  पाहिल्याशिवाय , किंवा  राधेला  कृष्णाला  पाहिल्याशिवाय  दिवसाची  सुरुवातच  होत  नसे , असे  म्हणायला  हरकत  नाही . इतकी  ती  दोघे  एकमेकांच्या  जवळ  आली  होती , प्रेम  करीत  होती . आणि  आजच्या  या  विशेष  रास  गरब्यात , हे  प्रेम  जरा  जास्तच  रंग  दाखवीत  होते .

     रास  खेळता  खेळता  कान्हाने  राधेला  जवळ  घेऊन , तिला  स्पर्श  करीत , पटकन  एक   चुंबन  प्रदान  केले . हे  सारे  नकळतच  घडले  होते . पण  याचे  साक्षीदार  रास  गरबा  खेळणारे  सारे  गोप  आणि  गोपिका  आहेत  हे  समजताच , कृष्णा  बरोबर  राधाही  किंचित  बावरली  गेली . पण  प्रेम  हे  शेवटी  प्रेमच  असत . भावनेच्या  भरात  श्रीकृष्णाने  आपली  हीही  आगळी  प्रेम -लीला  दाखविण्यास    कमी  केले  नव्हते .

                                        चारोळी-पुष्प-4
                                      ----------------

(४)
"कृष्ण"-लीलांना आज रंग चढला
रंगात "श्रीरंग" रंगुनिया गेला
जवळ घेऊन बावऱ्या "राधे"चा,
हलकेच त्याने अधर चुंबिला.


-----श्री.अतुल एस.परब(अतुल कवीराजे)
-----दिनांक-22.09.2021-बुधवार.